काठमाडौं । एनआईसी एशिया बैंकका ग्राहकले काठमाडौंको रविभवनस्थित होटल क्राउन इम्पेरियलमा सेवा लिँदा १५ प्रतिशत छुट पाउने भएका छन्। यस सम्बन्धी सम्झौता बैंक र होटलबीच सम्पन्न भएको बैंकले जनाएको छ।

सम्झौता अनुसार बैंकका ग्राहकले आवास, खाना–पेय पदार्थ, स्पा लगायत सेवामा डिजिटल भुक्तानी (डेबिट, क्रेडिट वा प्रिपेड कार्ड तथा मोबैंक एपमार्फत) गरेपछि १५ प्रतिशत छुट प्राप्त गर्न सक्नेछन्।

बैंकका अनुसार यस सहकार्यले ग्राहकलाई विशेष छुट सुविधा उपलब्ध गराउनुका साथै मुलुकमा डिजिटल भुक्तानी प्रणालीको विकास र नगदरहित कारोबार प्रवर्द्धनमा सहयोग पुग्नेछ।