नेपालगञ्ज – आई.एम.ई. लाइफ इन्स्योरेन्स कम्पनीका बीमित, अभिकर्ता तथा कर्मचारीहरूले अब कान्ति आरोग्य अस्पतालमा उपचार सेवामा विशेष छुट पाउने भएका छन्।

अस्पतालसँगको सहकार्य अनुसार, बीमितले डाक्टर परामर्श शुल्कमा ५०%, ल्याब टेस्ट तथा एक्स–रेमा ३०%, बेड चार्जमा २०%, र अपरेसन, भिडियो एक्स–रे तथा औषधिमा १०% छुट पाउनेछन्।

छुट सुविधा लिन बीमितहरूले IME LIFE Mobile App मा उपलब्ध प्रिभिलेज कार्ड देखाउनुपर्नेछ। अभिकर्ता र कर्मचारीहरूले भने कम्पनीले जारी गरेको आधिकारिक परिचयपत्र प्रस्तुत गरेपछि सो सुविधा प्राप्त गर्न सक्नेछन्।

नेपालगञ्जको मध्यभागमा अवस्थित कान्ति आरोग्य अस्पताल आफ्नो अत्याधुनिक चिकित्सा सुविधा, विशेषज्ञ चिकित्सक टोली र बिरामी–केन्द्रित सेवाका लागि परिचित छ। आई.एम.ई. लाइफ इन्स्योरेन्स र अस्पतालबीचको सहकार्यले स्थानीय बीमित तथा सेवाग्राहीलाई गुणस्तरीय उपचारमा थप पहुँच प्रदान गर्ने अपेक्षा गरिएको छ।