बुटवल, नेपाल – २५ नोभेम्बर २०२५ – नेपालमा हायात ब्रान्डको तेस्रो होटेलको रूपमा हायात प्लेस बुटवल औपचारिक रूपमा सञ्चालनमा आएको छ। यो नयाँ होटेलले व्यापारिक (बिजनेस) र फुर्सदको यात्रु (लेजर) दुवैका लागि आधुनिक सुविधा र आरामदायी वातावरण प्रदान गर्दछ।

नयाँ होटेलमा १०९ फराकिला गेस्ट रुमहरू, किंग र ट्विन रुम विकल्प, १,५६० वर्ग फिटको प्रेसिडेन्सियल सुइट, १५० जनासम्म अटाउने ग्रान्ड बलरुम, निःशुल्क वाइ-फाइ, आउटडोर स्विमिङ पुल, फिटनेस सेन्टर, स्पा र बालबालिका खेल्ने क्षेत्र (किड्स प्ले एरिया) उपलब्ध छन्। साथै, ‘द मार्केट’ र ‘जिङ बार’ जस्ता खानपान सुविधा पनि उपलब्ध छ।

जनरल म्यानेजर तुषार नगरले उद्घाटन कार्यक्रममा भने, “हामी पाहुनाहरूको आराम र सुविधामा उच्च प्राथमिकता दिन प्रतिबद्ध छौं। यहाँका विशेष डिजाइन गरिएका कोठाहरू, फराकिला कार्यक्रम स्थलहरू र व्यक्तिगत सेवा अनुभवले बुटवलमा हाम्रो पहिचानलाई अझ बलियो बनाउनेछ।”

हायात प्लेस ब्रान्डले शैली, नवीनता र २४ सै घण्टा उपलब्ध सुविधाको संयोजन गरी आधुनिक व्यस्त यात्रुका लागि सहज अनुभव प्रदान गर्दछ। विश्वभर ४४० भन्दा बढी स्थानमा हायात प्लेस होटेलहरू रहेका छन्।