काठमाडौं । महालक्ष्मी विकास बैंक लिमिटेडको हालै सम्पन्न २४ औं वार्षिक साधारण सभा मार्फत नवनिर्वाचित संचालक समितिबाट अध्यक्षको रुपमा चयन हुनुभएका श्री राजेश उपाध्याय ले पद तथा गोपनियताको सपथ लिनुभएको छ।

बैंक तथा वित्तीय संस्था सम्बन्धी ऐन २०७३ को दफा १२७ बमोजिम, मिति २०८२÷०९÷२३ मा उहाँले नेपाल राष्ट्र बैंकका डेपुटी गर्भनर श्री बम बहादुर मिश्र को समक्ष सपथ ग्रहण गर्नुभएको हो। उक्त कार्यक्रममा नेपाल राष्ट्र बैंकका बैंक तथा वित्तीय संस्था नियमन विभागका कार्यकारी निर्देशक र वित्तीय संस्था सुपरिवेक्षण विभागका कार्यकारी निर्देशक सहित अन्य उच्च पदाधिकारीहरुको पनि उपस्थिति रहेको थियो।

यस्तै, मिति २०८२÷०९÷२१ मा सम्पन्न बैंकको वार्षिक साधारण सभा मार्फत संचालक समितिले १०.३७ प्रतिशत लाभांश वितरण गर्ने प्रस्ताव अनुमोदन गरेको जानकारी पनि दिइएको छ।