काठमाडौं । कामना सेवा विकास बैंक लिमिटेडले आफ्नो संस्थागत सामाजिक उत्तरदायित्व (CSR) अन्तर्गत, शाखा कार्यालय बिराटचोक मार्फत बाल आश्रम लाई खाद्यान्न तथा शैक्षिक सामाग्री वितरण गरेको छ।

बैंकका कोशी प्रदेश प्रमुख खिमलाल भुसाल ले बाल आश्रमकी सञ्चालक निर्मला राई लाई खाद्यान्न तथा शैक्षिक सामाग्री हस्तान्तरण गर्नुभएको थियो। कार्यक्रममा सञ्चालक राईले गरिब तथा विपन्न वर्गका बालबालिकाको आधारभूत आवश्यकता, शिक्षा र उज्जवल भविष्य सुनिश्चित गर्न बैंकको सहयोग महत्वपूर्ण रहेको बताउनुभयो।

कार्यक्रममा बोल्दै कोशी प्रदेश प्रमुख भुसालले आश्रममा वितरण गरिएको सामग्रीले समाजको समुन्नत विकासमा योगदान पु-याउने र साझा प्रयासमा हातेमालो गर्न पाउँदा खुशी लागेको व्यक्त गर्नुभयो।

उक्त कार्यक्रममा उप–मेयर नितु थापा कोइराला, वडा अध्यक्ष योगेन्द्र सुवेदी, बैंकका कर्मचारीहरु, बाल आश्रमका सहभागी बालबालिका तथा अन्य सरोकारवालाहरुको पनि उपस्थिति रहेको थियो।

कामना सेवा विकास बैंकले आगामी दिनमा पनि सरोकारवालाहरुको समन्वय र सहकार्यमा यस्ता सामाजिक कार्यक्रमलाई निरन्तरता दिने योजना रहेको जनाएको छ।