काठमाडौं । राष्ट्रिय व्यावसायिक प्रशिक्षण प्रतिष्ठान (NVTI) र NVTI विकास समितिले अटोमोबाइल क्षेत्रको सीप विकास, तालिम पाठ्यक्रम निर्माण र मानव संसाधन विकासमा उल्लेखनीय योगदान पुर्याएको कदर गर्दै नाडा अटोमोबाइल्स एशोसिएशन अफ नेपाल (NADA) लाई सम्मान–पत्र प्रदान गरेको छ।

साथै, अटोमोबाइल क्षेत्रमा आधारित तालिम पाठ्यक्रम निर्माण तथा कार्यान्वयनमा संयोजकको हैसियतले प्रभावकारी नेतृत्व देखाएका नाडा उपाध्यक्ष श्री राजनबाबु श्रेष्ठ लाई प्रशंसा–पत्र प्रदान गरिएको छ।

उक्त सम्मान–पत्र NVTI को वार्षिकोत्सवको अवसरमा प्रदान गरिएको हो। नाडाको सहकार्यमा तयार गरिएका ट्रेड–आधारित तालिम पाठ्यक्रमहरू—विशेष गरी एसेम्बलर अपरेटर र विद्युतीय सवारी मर्मत प्राविधिक—ले दक्ष जनशक्ति उत्पादनमा महत्वपूर्ण योगदान पुर्याएको उल्लेख प्रमाण–पत्रमा गरिएको छ।

नाडाले आगामी दिनमा पनि सरकार र सम्बन्धित निकायसँग सहकार्य गर्दै अटोमोबाइल क्षेत्रको सीप विकास, रोजगारी सिर्जना र प्राविधिक जनशक्ति उत्पादनमा अझ सशक्त भूमिका निर्वाह गर्ने प्रतिबद्धता व्यक्त गरेको छ।