काठमाडौं। अङ्ग्रेजी नयाँ वर्ष २०२६ को अवसरमा टाटा मोटर्सको नेपालका लागि आधिकारिक वितरक सिप्रदी ट्रेडिङ प्रा.लि. ले ग्राहक लक्षित विशेष ‘न्यू इयर बिग स्विच’ अभियान सार्वजनिक गरेको छ। माघ १ देखि ४ गते (जनवरी १५–१८)सम्म सञ्चालन हुने यस चार दिने योजनामार्फत पुरानो गाडी साटेर नयाँ टाटा सवारीसाधन खरिद गर्न इच्छुक ग्राहकलाई आकर्षक सुविधा उपलब्ध गराइने कम्पनीले जनाएको छ।

कम्पनीका अनुसार अभियानको मुख्य आकर्षण पुरानो गाडीको उत्कृष्ट एक्सचेन्ज मूल्याङ्कन हो, जसले ग्राहकलाई आधुनिक सवारीमा सजिलै अपग्रेड हुन सहयोग पुर्‍याउनेछ। अभियान अवधिभर टाटा गाडी बुकिङ गर्ने ग्राहकले आकर्षक उपहार र नगद छुट समेत प्राप्त गर्ने छन्।

विद्युतीय सवारी साधन किन्न इच्छुक ग्राहकका लागि कम्पनीले आजीवन निःशुल्क डीसी फास्ट चार्जिङ, नि:शुल्क होम चार्जिङ जडान, र एसेसोरिज उपलब्ध गराइने जनाएको छ। साथै नयाँ गाडी खरीद गर्दा एक वर्षको सवारी कर छुट सहित थप अफरहरू पनि लागू हुने जानकारी सिप्रदीले दिएको छ।

कम्पनीले ‘बिग स्विच’ अभियानले ग्राहकलाई किफायती, वातावरण–मैत्री र प्रविधि–सम्पन्न टाटा सवारीसाधन अपनाउन प्रोत्साहित गर्ने विश्वास व्यक्त गरेको छ।