काठमाडौँ । बजाजको लोकप्रिय बाइक पल्सर २२0 एफ एफआई बीएस६ अब नेपालमा उपलब्ध भएको छ। आधिकारिक वितरक हंसराज हुलासचन्द एन्ड कम्पनीले नयाँ संस्करण सार्वजनिक गरेको हो।

नयाँ पल्सर २२0एफमा फुल डिजिटल कन्सोल, फ्युल इन्जेक्सन प्रविधि, डबल च्यानल एबीएस र आकर्षक ग्राफिक्स जस्ता सुविधाहरू थपिएका छन्। बाइकको रंग अब गाढा हरियो शेडमा ब्ल्याक र ओरेन्ज हाइलाइट्स र गोल्ड एक्सेन्टसहित उपलब्ध छ।

डिजिटल कन्सोलले ब्लुटुथ कनेक्टिभिटी, टर्न–बाइ–टर्न नेभिगेसन र कल एक्सेप्ट/रिजेक्ट जस्ता सुविधा प्रदान गर्छ। बीएस६ इन्जिनले २१ पीएस पावर र १८.५५ एनएम टर्क उत्पादन गर्दछ। फुल एलईडी हेडलाइटले रातको यात्रा सुरक्षित बनाउँछ।

नयाँ पल्सर २२0एफको मूल्य ४ लाख ३९ हजार ९ सय रुपैयाँ तोकिएको छ। हाल बाइकको बुकिङ र टेस्ट राइड उपलब्ध छ।