बालेनले मात्रै प्रयोग गर्ने लिफ्ट अब सर्वसाधारणका लागि खुला
Wednesday Feb 04, 2026
वि.सं.२०८२ माघ २१ बुधवार ०९:०६
काठमाडौं। काठमाडौं महानगरपालिकामा पूर्व मेयर बालेन्द्र शाह (बालेन) ले मात्र प्रयोग गर्दै आएको लिफ्ट अब सर्वसाधारण तथा सेवाग्राहीका लागि खुला गरिएको छ। कार्यवाहक मेयर सुनिता डङ्गोलको निर्देशनपछि आइतबारदेखि उक्त लिफ्ट सबैका लागि प्रयोग गर्न दिइएको महानगरका प्रवक्ता नवीन मानन्धरले जानकारी दिएका छन्।
सुन्धारास्थित जेडीए कम्प्लेक्समा रहेको महानगर कमलादीस्थित भवनमा सरेपछि उक्त लिफ्ट निर्माण गरिएको थियो। यसअघि बालेनले पासवर्ड राखेर उक्त लिफ्ट आफूले मात्रै प्रयोग गर्ने गरेका थिए। साथै, महानगरको पार्किङ क्षेत्रमा रहेको लिफ्ट वरपर सर्वसाधारणलाई जानसमेत रोक लगाइएको थियो।
कार्यवाहक मेयरको निर्देशनपछि सेवाग्राहीको सहजताका लागि लिफ्ट खुला गरिएको महानगरले जनाएको छ।





























