काठमाडौँ । प्रभु बैंकको प्रमुख कार्यकारी अधिकृत (सीईओ) मा सुमन शर्मा नियुक्त भएका छन्। बैंकको माघ २० गते बसेको सञ्चालक समितिको बैठकले शर्मालाई सीईओको जिम्मेवारी दिने निर्णय गरेको हो।

बैंकले आजैदेखि लागू हुने गरी शर्मालाई आगामी चार वर्षका लागि सीईओ नियुक्त गरेको जनाएको छ। यसअघि माघ १९ गते बसेको सञ्चालक समितिको बैठकले तत्कालीन सीईओ अशोक शेरचनको राजीनामा स्वीकृत गरेको थियो।

नवनियुक्त सीईओ शर्मा बैंकिङ क्षेत्रमा अनुभवी व्यक्तित्व मानिन्छन्। यसअघि उनी सनराइज बैंकका सीईओका रूपमा कार्यरत थिए। साथै, उनले ग्लोबल आइएमई बैंकमा डेपुटी सीईओ तथा माछापुच्छ्रे बैंकमा सीईओ भएर काम गरिसकेका छन्।