काठमाडौं । बजाज मोटरसाइकलले नवविवाहित जोडीलाई लक्षित गर्दै नयाँ अफर सार्वजनिक गरेको छ। बजाज मोटरसाइकलको नेपालका लागि आधिकारिक विक्रेता हंसराज हुलाशचन्द एण्ड कम्पनीले ‘नयाँ जीवनको भरपर्दो सहयात्री’ नामक योजना ल्याएको हो।

यस योजनाअनुसार १०० सीसीदेखि १५० सीसीसम्मका मोटरसाइकल खरिद गर्दा ग्राहकले ७ हजार रुपैयाँसम्म छुट पाउन सक्ने कम्पनीले जनाएको छ।

योजनाबारे गोल्छा ग्रुपका निर्देशक अभिमन्यु गोल्छाले नयाँ जीवनको सुरुवात गर्ने जोडीलाई सहयोग पुर्‍याउने उद्देश्यले अफर ल्याइएको बताए। उनले नयाँ सोच र संकल्पले नयाँ जीवनलाई सहज बनाउन मद्दत पुग्ने विश्वास व्यक्त गरे।

नवविवाहित जोडीलाई लक्षित गरी ल्याइएको भए पनि यस योजनाबाट सबै ग्राहकले लाभ लिन सक्ने कम्पनीले जनाएको छ। कम्पनीका अनुसार उक्त योजना माघ १५ गतेदेखि लागू भइसकेको छ।