काठमाडौं । बेलायतमा उच्च शिक्षा अध्ययन गरी स्वदेश फर्केका युवाहरूले काठमाडौंमा शैक्षिक परामर्श सेवा सुरु गरेका छन्। विदेशमा उच्च शिक्षा अध्ययन गर्न इच्छुक विद्यार्थीलाई विशेषज्ञ मार्गदर्शन प्रदान गर्ने उद्देश्यले SEA Consultancy सञ्चालनमा ल्याइएको हो।

काठमाडौैंको कालधारामा कार्यालय स्थापना गरिएको उक्त कन्सल्टेन्सीले करियर काउन्सेलिङ, शैक्षिक मार्गदर्शन तथा भिसा सेवा, आईईएलटीएस र पीटीई तयारी कक्षा, विद्यार्थी भिसा सहजीकरण सेवा तथा आईईएलटीएस र पीटीईका मक टेस्ट सञ्चालन गर्ने जनाएको छ।

कम्पनीका प्रमुख कार्यकारी अधिकृत स्मिता सिवाकोटीका अनुसार विद्यार्थीलाई पारदर्शी प्रक्रिया, विश्वसनीय सेवा तथा व्यावसायिक मार्गदर्शन प्रदान गर्ने लक्ष्य राखिएको छ। प्रबन्ध निर्देशक मनन भट्टले विदेश अध्ययनसम्बन्धी परामर्शलाई गुणस्तरीय र परिणाममुखी बनाइने बताए।

कन्सल्टेन्सीले बेलायत, अस्ट्रेलिया, अमेरिका, क्यानडा, युरोप तथा न्युजिल्यान्डका लागि अध्ययन परामर्श सेवा उपलब्ध गराउने जनाएको छ।

कम्पनीमा सिवाकोटी र भट्टका साथै ईरोस महर्जन र आकाश अग्रवालको लगानी रहेको बताइएको छ। सञ्चालकहरू बेलायतका प्रतिष्ठित विश्वविद्यालयबाट उच्च शिक्षा हासिल गरी स्वदेश फर्किएका हुन्। यसअघि उनीहरूले शैक्षिक परामर्श क्षेत्रमा अनुभवसमेत हासिल गरिसकेको जनाइएको छ।

सेवा शुभारम्भ समारोहमा बोल्दै प्रमुख कार्यकारी अधिकृत सिवाकोटीले विद्यार्थीहरूलाई विश्वसनीय र व्यावसायिक परामर्श प्रदान गर्दै विदेश अध्ययनको प्रक्रिया सहज बनाउने प्रतिबद्धता व्यक्त गरिन्।