काठमाडौं। नेपालका अग्रणी निर्माण तथा हेभी इक्विपमेन्ट ब्रान्ड जेसीबीको आधिकारिक बिक्रेता एमएडब्ल्यू अर्थमुभर्सले जेसीबी थ्रीडीएक्स सुपर ब्याकहो लोडरका लागि उद्योगमै पहिलो पटक ‘बाइ ब्याक ग्यारेन्टी’ योजना सार्वजनिक गरेको छ।

कम्पनीका अनुसार, यो योजना ग्राहकको विश्वास सुदृढ गर्ने र उपकरणमा गरिएको लगानीको दीर्घकालीन मूल्य सुनिश्चित गर्ने उद्देश्यले ल्याइएको हो। योजनाअन्तर्गत नयाँ जेसीबी थ्रीडीएक्स सुपर खरिद गर्ने ग्राहकले ४ वर्ष वा ८ हजार अपरेटिङ घण्टा पूरा भएपछि ग्यारेन्टी गरिएको बाइ ब्याक मूल्य पाउनेछन्।

तोकिएका सञ्चालन तथा नियमित मर्मतसम्भारको शर्त पूरा भएमा प्रयोग गरिसकेपछि पनि मेसिनलाई मूल खरिद मूल्यको ५० प्रतिशतसम्म बाइ ब्याक लाभ प्राप्त हुनेछ। यसले ग्राहकलाई वित्तीय सुरक्षासहित भविष्यमा पुनःबिक्री मूल्यबारे स्पष्टता प्रदान गर्ने अपेक्षा गरिएको छ।

जेसीबी थ्रीडीएक्स सुपर उच्च इन्धन दक्षता, शक्तिशाली प्रदर्शन, उच्च उत्पादकत्व तथा न्यून मर्मत खर्चका लागि परिचित छ। नेपालभरका सडक निर्माण, जलविद्युत् परियोजना, शहरी पूर्वाधार र ग्रामीण विकासका विभिन्न कामहरूमा यसको व्यापक प्रयोग हुँदै आएको छ।

एमएडब्ल्यू अर्थमुभर्सले ३२ भन्दा बढी देशव्यापी सेवा सञ्जाल र ४०० भन्दा बढी दक्ष कर्मचारीमार्फत ग्राहकलाई जेनुइन स्पेयर पार्ट्स र भरपर्दो सेवा उपलब्ध गराउँदै आएको छ। यही कारण जेसीबी नेपालभरका ठेकेदार तथा पूर्वाधार निर्माण कम्पनीहरूको पहिलो रोजाइ बनेको छ।

देशभरिका अधिकृत एमएडब्ल्यू जेसीबी डिलरहरू मार्फत यो ‘बाइ ब्याक ग्यारेन्टी’ योजना उपलब्ध हुनेछ।