काठमाडौँ । नेपाल बैंक लिमिटेड र ताजा बेकरी उद्योग बीच बेकरी सामग्री खरिदमा छुट सुविधा प्रदान गर्ने सम्झौता भएको छ ।

सम्झौताअनुसार नेपाल बैंकमा कार्यरत कर्मचारी तथा बैंकमा खाता रहेका ग्राहकहरूले काठमाडौंका चावहिल, मुलपानी, पुतलीसडक, गल्कोपाखा, क्षेत्रपाटी, लगनटोल र सितापाइलामा रहेका ताजा बेकरी उद्योगका आउटलेटहरूबाट बेकरी वस्तु खरिद गर्दा नेपाल बैंकको मोबाइल बैंकिङ एपमार्फत भुक्तानी गरेमा न्यूनतम ५०० रुपैयाँको खरिदमा १० देखि १५ प्रतिशतसम्म छुट पाउने व्यवस्था गरिएको छ ।

सम्झौता पत्रमा २०८२ साल चैत ११ गते बैंकको तर्फबाट बजारीकरण तथा अनुसन्धान डिभिजन प्रमुख निर्मल सुवेदी र ताजा बेकरी उद्योगको तर्फबाट प्रबन्ध निर्देशक रामकुमार श्रेष्ठले हस्ताक्षर गरेका हुन् ।

बैंकले यस्तो सहकार्यले डिजिटल भुक्तानीलाई प्रवर्द्धन गर्ने तथा ग्राहकलाई अतिरिक्त सुविधा प्रदान गर्ने विश्वास व्यक्त गरेको छ ।