काठमाडौं। यामाहा नेपालले बुढानीलकण्ठस्थित इटालिटार, गणेश चोकमा नयाँ 3S शोरूम ‘व्हिलिश ग्यालोर’ औपचारिक रूपमा उद्घाटन गरेको छ। यो यामाहा नेपालको १०३औँ शोरूम हो। उद्घाटन समारोहका प्रमुख अतिथि बागमती प्रदेशका यातायात मन्त्री जयराम थापा रहनुभएको थियो।

कार्यक्रममा बुढानीलकण्ठ नगरपालिकाका मेयर मिठाराम अधिकारी, उपमेयर अनीता लामा तथा MAW Rides Pvt. Ltd. का कार्यकारी निर्देशक तथा सीईओ दीपक कुमार अग्रवाल लगायत विशिष्ट व्यक्तिहरूको उपस्थिति रहेको थियो।

कार्यक्रमको भावनात्मक क्षणका रूपमा ‘व्हिलिश ग्यालोर प्रा. लि.’ का सञ्चालक भुवेश खड्का आफ्ना १०६ वर्षीय हजुरबुवासहित उपस्थित हुनुभएको थियो, जसले समारोहलाई विशेष बनाएको थियो।

नयाँ शोरूममा बिक्री (Sales), सेवा (Service) र स्पेयर पार्ट्स (Spares) सेवा एउटै छानामुनि उपलब्ध छन्। यसले बुढानीलकण्ठ तथा आसपासका राइडरहरूलाई आवश्यक सम्पूर्ण सेवा सहज रूपमा एकै स्थानबाट प्राप्त गर्न सहयोग गर्ने विश्वास गरिएको छ।

दक्ष जनशक्ति र आधुनिक पूर्वाधारसहित स्थापना गरिएको व्हिलिश ग्यालोर प्रा. लि. ले ग्राहकहरूलाई भरपर्दो र गुणस्तरीय सेवा प्रदान गर्ने लक्ष्य राखेको छ।

कार्यक्रममा बोल्दै सीईओ अग्रवालले बुढानीलकण्ठमा शोरूम सञ्चालनले यामाहाको पहुँच विस्तार हुनुका साथै ग्राहकलाई सहज रूपमा गुणस्तरीय सेवा उपलब्ध गराउने प्रतिबद्धता थप सुदृढ हुने बताउनुभयो। उहाँले प्रत्येक नयाँ आउटलेटले देशभर सशक्त र संगठित सञ्जाल निर्माणमा योगदान पुर्‍याउने पनि उल्लेख गर्नुभयो।

बुढानीलकण्ठ शोरूमले काठमाडौं उपत्यकामा यामाहा नेपालको उपस्थिति अझ मजबुत बनाउने अपेक्षा गरिएको छ। यहाँबाट ग्राहकहरूले यामाहाका मोटरसाइकल तथा स्कुटरका विभिन्न मोडेल, जेनुइन स्पेयर पार्ट्स र व्यावसायिक सेवा सहज रूपमा प्राप्त गर्न सक्नेछन्।

MAW Rides Pvt. Ltd. अन्तर्गत सञ्चालन भइरहेको यामाहा नेपालले गुणस्तर, विश्वसनीयता र ग्राहक सन्तुष्टिलाई प्राथमिकता दिँदै देशभर आफ्नो सञ्जाल विस्तार गरिरहेको जनाएको छ।