काठमाडौँ — विश्वव्यापी प्रविधि कम्पनी जिओमीले नेपाली बजारमा आफ्नो नयाँ स्मार्टफोन जिओमी १७टीसार्वजनिक गरेको छ। उत्कृष्ट लेइका फाइभ एक्स क्यामेरा र आँखाको सुरक्षालाई प्राथमिकता दिएर विकसित गरिएको स्मार्ट डिस्प्लेसहित उच्च क्षमताको ब्याट्री भएको जिओमी १७टी आधुनिक प्रयोगकर्ताका लागि तयार गरिएको एक उन्नत स्मार्टफोन हो।

जिओमीको अत्याधुनिक इमेजिङ प्रविधि र लेइका अप्टिक्सको संयोजनले यसमा शक्तिशाली ट्रिपल क्यामेरा प्रणाली उपलब्ध गराएको छ। यसमा ५० मेगापिक्सेलको मुख्य क्यामेरा रहेको छ, जसले अत्यन्त स्पष्ट र उच्च गुणस्तरका तस्बिरहरू खिच्न सक्छ। यो स्मार्टफोन लेइका फाइभ एक्स टेलिफोटो क्यामेरा र विशेष अप्टिकल डिजाइन तथा उच्चस्तरीय लेन्स संरचनामा आधारित छ, जसले अप्टिकल इमेज स्टेबलाइजेसनसहित ५० मेगापिक्सेलका तस्बिरहरू खिच्न सक्छ। ३० सेन्टिमिटर दुरीबाट गरिने म्याक्रो फोटोग्राफीदेखि १० गुणासम्मको अप्टिकल स्तरको जुम र १२० गुणासम्मको एआई आधारित जुम सुविधाले नजिक तथा टाढाका दृश्यहरू सहजै कैद गर्न मद्दत गर्दछ।

यस स्मार्टफोनमा फोर के ६० फ्रेम-प्रति-सेकेन्ड सिनेमाटिक भिडियो रेकर्डिङ सुविधा पनि समावेश गरिएको छ, जसले प्राकृतिक पृष्ठभूमिमा धमिलोपन (बोके) सिर्जना गर्दै थप जीवन्त र आकर्षक दृश्य अनुभव प्रदान गर्दछ। परम्परागत स्थिर तस्बिरभन्दा अगाडि बढ्दै शाओमी १७टीले लाइभ मोमेन्ट सुविधा प्रस्तुत गरेको छ, जसले केवल मुख्य क्षण मात्र नभई त्यस क्षणसम्म पुग्ने गति, भावना र अभिव्यक्तिलाई समेत कैद गरेर दैनिक जीवनका दृश्यहरूलाई अझ गहिरो अर्थ र सन्दर्भ दिन मद्दत पुर्‍याउँछ।

जिओमी १७टीमा १/१.५५ इन्च आकारको ठुलो इमेज सेन्सर प्रयोग गरिएको छ। लेइका अल्ट्रा पियोर अप्टिकल डिजाइन तथा १जी+६पी हाइब्रिड लेइका समिलुक्स विशेष लेन्स संरचनाले सूक्ष्म विवरणहरूलाई अत्यन्त स्पष्ट रूपमा प्रस्तुत गर्दछ। यसमा भएको प्रकाश छिर्ने ठुलो भाग (अपर्चर) का कारण यसले फराकिलो प्रकाश सन्तुलन र आकर्षक प्रभाव प्रदान गर्दछ। यसमा रहेको लाइभ पोर्ट्रेट सुविधाले पोर्ट्रेट मोडमा प्राकृतिक पृष्ठभूमिमा धमिलोपन थपेर विषयवस्तुलाई अझ आकर्षक बनाउँछ। साथै, अल्ट्रा एचडी फोर के लाइभ मोमेन्ट तथा विभिन्न सिनेमाटिक मोडहरूले प्रयोगकर्तालाई आफ्नो कथा अझ सिर्जनात्मक ढङ्गले प्रस्तुत गर्ने अवसर प्रदान गर्दछन्।

जिओमी १७टीमा पहिलो पटक भिजन केयर प्रविधि समावेश गरिएको छ। ३,५०० निट्ससम्मको अधिकतम चमक क्षमता भएको १,५०० एमोलेड डिस्प्लेले वातावरणीय प्रकाश अनुसार स्वतः समायोजन गर्दै निलो प्रकाश, फ्लिकर तथा मोसन ब्लरलाई नियन्त्रण गर्दछ, जसले दिनभर आरामदायी दृश्य अनुभव प्रदान गर्दछ। साथै, यो शाओमीको फोरआई केयर प्रमाणपत्र प्राप्त गर्ने पहिलो स्मार्टफोन पनि बनेको छ।

जिओमी १७टीमा ६,५०० एमएएच क्षमताको विशाल ब्याट्री रहेको छ, जुन अघिल्लो जेनेरेसनको तुलनामा १८ प्रतिशत बढी क्षमताको रहेको बताइएको छ। ६७ वाट फास्ट चार्जिङ प्रविधिको सहयोगले प्रयोगकर्तालाई दिनभर पर्याप्त ऊर्जा उपलब्ध गराउँछ। यो स्मार्टफोन ४ नानोमिटर प्रविधिमा आधारित शक्तिशाली प्रोसेसर मिडियाटेक डाइमेन्सिटी ८५०० अल्ट्राद्वारा सञ्चालित छ, जसले प्रोसेसर, ग्राफिक्स तथा एआई सम्बन्धी क्षमतामा उल्लेखनीय सुधार ल्याउँदै मल्टिटास्किङ र आधुनिक गेमिङ अनुभवलाई अझ सहज र प्रभावकारी बनाउँछ।

नेपालमा जिओमी १७टी वैजनी, निलो र कालो गरी तीन आकर्षक रङ्गमा उपलब्ध छ। १२ जीबी र्‍याम र ५१२ जीबी स्टोरेज भएको भेरियन्टको मूल्य रुपैयाँ ९४,००० तोकिएको छ। साथै, शाओमी १७टी नेपालमा खरिद गर्ने प्रत्येक ग्राहकले रुपैयाँ २,४९९ मूल्य पर्ने रेडमी बड्स ६ प्ले नि:शुल्क प्राप्त गर्ने कम्पनीले जनाएको छ।