काठमाडौं, असार १६ । सिटिजन्स बैंक इन्टरनेसनल लिमिटेड र जय नेपाल सिनेमाज, दरबारमार्गबीच बैंकका ग्राहकलाई सिनेमाको टिकट खरिदमा विशेष छुट उपलब्ध गराउने सम्बन्धमा समझदारी भएको छ।

सम्झौताअनुसार सिटिजन्स बैंकका कार्डबाहक तथा मोबाइल बैंकिङ प्रयोगकर्ताले जय नेपाल सिनेमाजमा चलचित्रको टिकट खरिद गर्दा १० प्रतिशतसम्म छुट प्राप्त गर्नेछन्।

बैंकले यस किसिमको सहकार्यबाट ग्राहकहरू लाभान्वित हुनुका साथै नगद कारोबारबाट डिजिटल कारोबारतर्फ आकर्षित हुने विश्वास लिएको जनाएको छ। डिजिटल बैंकिङ सेवाको प्रयोग बढाउन तथा ग्राहकलाई डिजिटल माध्यमबाट भुक्तानी गर्न प्रोत्साहित गर्ने उद्देश्यले बैंकले समय–समयमा विभिन्न ग्राहकमैत्री सुविधाहरू सञ्चालन गर्दै आएको छ।

सिटिजन्स बैंकले डिजिटल कारोबारसँग सम्बन्धित छुट तथा सुविधाको विस्तृत जानकारी आफ्नो वेबसाइटमार्फत उपलब्ध गराउँदै आएको जनाएको छ।

बैंक अफ द इयर २०२४ र २०२५ को उपाधि प्राप्त गरिसकेको सिटिजन्स बैंकले यसअघि फोनपेसँगको सहकार्यमा ‘सिटिजन्स फोनपे क्रेडिट कार्ड’ भर्चुअल क्रेडिट कार्ड सञ्चालनमा ल्याएको थियो। साथै, बैंकले ‘सिटिजन्स जेन–जी सेभिङ्ग अकाउन्ट’, ‘सिटिजन्स डिजी बैंक सेवा’ तथा फ्रिलान्सरलाई लक्षित ‘फ्रिलान्सर सेभिङ्ज अकाउन्ट’ जस्ता नवीन सेवाहरू सञ्चालनमा ल्याएको छ।

हाल सिटिजन्स बैंकले देशभरका ६१ जिल्लामा रहेका २०० शाखा, १६९ एटीएम, तीन विस्तारित काउन्टर तथा ४२ शाखारहित बैंकिङ इकाइमार्फत २० लाख ३९ हजारभन्दा बढी ग्राहकलाई आधुनिक बैंकिङ सेवा प्रदान गर्दै आएको छ।