काठमाडौ माघ २८ । केन्द्रीय पदाधिकारी र सदस्य स्वतः महाधिवेशन प्रतिनिधि बन्ने कि तलबाटै चुनाव लडेर आउने भन्ने विवादमा रुमलिएको नेपाली कांग्रेसको केन्द्रीय कार्यसमिति बैठक आज ९सोमबार० पनि बस्दैछ।
कांग्रेसमा अहिले कायम रहेको स्वतः प्रतिनिधि बन्ने प्रावधान हटे केन्द्रीय पदाधिकारीसहित सदस्यहरू वडा तहमै पुगेर क्षेत्रीय प्रतिनिधिबाट प्रतिस्पर्धा गर्नुपर्ने हुन्छ।

उक्त प्रावधानका विषयमा गत बुधबार र बिहीबारको बैठकमा सदस्यहरु दुई खेमामा विभाजित भएपछि बैठक आजसम्मका लागि स्थगित गरिएको थियो।

सोही विषयमा पुनः छलफल गर्न ललितपुरको सानेपास्थित पार्टी मुख्यालयमा अहिले बिहान ११ बजेपछि बैठक बस्न लागेको कांग्रेस नेताहरूले बताएका छन्।

बैठकमा पार्टीको विधानसहित महासमितिबाट पारित भएका सांगठनिक र आर्थिक प्रतिवेदनबारे समेत छलफल हुनेछ।

यस्तै आजको बैठकले नेविसंघको कार्यसमितिबारे समेत निर्णय गर्ने बताइएको छ।