काठमााडौं । अमेरीकी राष्ट्रपति डोनाल्ड ट्रम्पले युक्रेनलाई हतियार दिएर समर्थन गर्ने वाचा गरेका छन भने रुस विरुद्ध कर लगाउने धम्की दिएका छन् ।

संयुक्त राज्य अमेरिकाले नाटो मार्फत युक्रेनमा हतियार पठाउने र यदि ५० दिन भित्र युद्धविराम सम्झौता भएन भने रूसलाई लक्षित गरी “गम्भीर कर“ लगाउने ट्रम्पले धम्की दिएका हुन् ।

ट्रम्पले सोमबार ओभल अफिसमा नाटो महासचिव मार्क रुटलाई भेट्दै युक्रेनलाई सहयोग गर्ने हतियार सम्बन्धी नाटोसँग सम्झौताको घोषणा गरेका हुन् । ट्रम्पले भने “हामी युक्रेनीहरूलाई हतियार पठाउनेछौं र उनीहरूले त्यसको लागि भुक्तानी गर्नेछन्,“ संयुक्त राज्य अमेरिकाले ती हतियारहरू उत्पादन गर्नेछ ।

प्याट्रियट वायु रक्षा प्रणाली सहित केही सैन्य उपकरणहरू केही दिन भित्र युक्रेनमा आइपुग्ने ट्रम्पले बताएका छन् । उनले थपे कि केही युरोपेली देशहरूले आफ्नो प्याट्रियट वायु रक्षा प्रणाली युक्रेनमा स्थानान्तरण गर्नेछन् ।

ट्रम्पले रूसको बारेमा भने कि “यदि हामीसँग ५० दिन भित्र सम्झौता भएन भने हामी दोस्रो कर लगाउनेछौं । यो धेरै सरल छ र तिनीहरू १०० प्रतिशतमा हुनेछन ।’