काठमाडौं । मन्जुश्री फाइनान्स लिमिटेड, नेपालगञ्ज शाखाले संस्थागत सामाजिक उत्तरदायित्व (CSR) अन्तर्गत कोहलपुर नगरपालिकालाई स्वास्थ्य सामग्री हस्तान्तरण गरेको छ।

नगर स्वस्थ प्रवर्द्धन केन्द्र सञ्चालन गर्न आवश्यक स्वास्थ्य उपकरण र केमिकल सामग्री करिब १ लाख रुपैयाँ बराबरको मूल्यमा कोहलपुर नगरपालिकालाई प्रदान गरिएको हो।

सामग्री हस्तान्तरण कार्यक्रमका अवसरमा फाइनान्सको तर्फबाट नेपालगञ्ज शाखाकी कार्यालय प्रमुख स्नेहा भुसालले नगरपालिकालाई उक्त सामग्री हस्तान्तरण गरेकी हुन् । कार्यक्रममा उनले मन्जुश्री फाइनान्सले सामाजिक उत्तरदायित्व अन्तर्गत यस्ता कार्यहरूमा सधैं सक्रिय रूपमा सहभागी हुँदै आएको बताईन ।
फाइनान्सले आगामी दिनहरूमा पनि समाज कल्याणका यस्ता कार्यक्रमलाई निरन्तरता दिने प्रतिबद्धता व्यक्त गरेको छ।

हाल मन्जुश्री फाइनान्सले देशभर २७ वटा शाखा र एक विस्तारित काउन्टरमार्फत सेवा दिँदै आएको छ। कम्पनीले हालसम्म २२ अर्ब रुपैयाँ निक्षेप संकलन गरी करिब १८.२ अर्ब रुपैयाँ कर्जा परिचालन गरिसकेको छ।