काठमाडौं । सामसङ नेपालले नयाँ फोल्डेबल स्मार्टफोनहरू — ग्यालेक्सी जेड फोल्ड७ र ग्यालेक्सी जेड फ्लिप७ — को प्रि-अर्डर घोषणा गरेको छ। साउन २२ गतेदेखि साउन २९ गते (August 7–14, 2025) सम्म यी उपकरणहरूको प्रि-अर्डर गर्न सकिने सामसङ नेपालले जनाएको छ।

ग्लोबल अनप्याक्ड कार्यक्रममा सार्वजनिक गरिएका यी स्मार्टफोनहरू अल्ट्रा-पातलो, हलुका र ए.आइ प्रविधिसहित बजारमा आएका छन्।

ग्यालेक्सी जेड फोल्ड७ ले फोल्डेबल स्मार्टफोन प्रविधिमा नयाँ मानक स्थापित गर्दै डिजाइन, क्यामेरा र स्मार्ट कार्यक्षमता एकसाथ ल्याएको छ। ठूलो र इमर्सिभ डिस्प्लेले मल्टिटास्किङ र उत्पादकत्वमा नयाँ उचाइ प्रदान गर्ने कम्पनीको दाबी छ।

त्यसैगरी, ग्यालेक्सी जेड फ्लिप७ झन् ठूलो कभर स्क्रिन, फ्ल्यागशिप क्यामेरा र स्मार्ट ए.आइ फिचरहरूसँग दैनिक जीवनलाई सहज बनाउने उद्देश्यले डिजाइन गरिएको छ। ४.१ इन्चको फ्लेक्सविन्डो स्क्रिन र १.२५ मिमी मोटाइको बेझेलले यो फ्लिप सिरिजकै अहिलेसम्मकै उत्कृष्ट स्क्रिन बनाएको छ।

सामसङ इलेक्ट्रोनिक्स नेपालका एम एक्स डिभिजन प्रमुख निर्देशक प्रणय रत्न स्थापितले ग्यालेक्सी जेड फोल्ड७ लाई फोल्डेबल स्मार्टफोनको विकासलाई पुनः परिभाषित गर्ने डिभाइस भएको बताए।

फ्लिप७ मा क्यामेरा स्टेबलाइजेसन, रङ सटीकता, थर्मल म्यानेजमेन्ट र ब्याट्री सुधार जस्ता पक्षमा उल्लेख्य सुधार गरिएको छ।

प्रि-अर्डर अवधिभर विशेष अफरहरू समेत रहने अपेक्षा गरिएको छ।