काठमाडौं । नेपालको अग्रणी अन-डिमाण्ड सर्भिस प्लेटफर्म भेटायोले काठमाडौं उपत्यकामा घर तथा अफिस प्रयोगकर्ताका लागि प्रोफेशनल एसी सर्भिसिङ सेवा सुरु गरेको घोषणा गरेको छ। यो सेवा रु. १००० बाट सुरु हुने र मोबाइल एप वा फोन कलमार्फत सहजै बुक गर्न सकिने कम्पनीले जनाएको छ।

गर्मी मौसममा एसी बिग्रने, हावा पर्याप्त चिसो नआउने, आवाज आउने वा बिजुलीको खपत बढ्ने समस्याहरू देखिने भएकाले नियमित सर्भिसिङ आवश्यक हुने भेटायोको भनाइ छ। कम्पनीका अनुसार, प्रत्येक ६ महिना वा वर्षमा एक पटक एसीको सर्भिसिङ गर्नाले यसको कार्यक्षमता र आयु दुवै बढाउँछ।

नयाँ सेवामा इनडोर र आउटडोर युनिटको डीप क्लिनिङ, फिल्टर सफाइ वा प्रतिस्थापन, मुभिङ पार्टहरूमा ग्रीस लगाउने, इलेक्ट्रिकल कनेक्शन कस्ने तथा सम्पूर्ण प्रणाली परीक्षण गर्ने कार्यहरू समावेश हुनेछन्।

ग्राहकहरूले Bhetayo एप (Android वा iOS) मार्फत आफ्नो सुविधाअनुसार मिति र समय चयन गरी सेवा बुक गर्न सक्नेछन्। तोकिएको समयमा प्रशिक्षित र अनुभवी प्राविधिकहरू घरमै पुगेर सेवा उपलब्ध गराउने कम्पनीको योजना छ।

भेटायो हाल प्लम्बिङ, इलेक्ट्रिसियन, पेस्ट कन्ट्रोल, हाउस क्लिनिङ, ड्राइभर, पेन्टिङ, कारपेन्ट्री, एसी सर्भिसिङ लगायत १५+ सेवाहरू एकै प्लेटफर्मबाट प्रदान गर्दै आएको छ।