सन्तोष विश्वकर्मा
जनकपुरधाम फागुन १३ । वाल क्लवमा आवद्ध वालवालिकाले क्षमता अभिवृद्धि तालिम लिएका छन् । उनिहरुले दुई दिन लगाएर वाल क्लव व्यवस्थापन तथा वाल अधिकारका वारेमा क्षमता अभिवृद्धि तालिम लिएका हुन । तालिम धनुषाको ढल्केवरमा आयोजना गरिएको थियो ।

उनिहरुलाई मिथिला नगरपालिकाकी उपमेयर तारा वस्नेत लामा र युनिसेफकी वालमैत्री परामर्शदाता शर्मिला पौडेलले तालिम दिएका थिए ।

उपमेयर लामाका अनुसार मिथिला नगरपालिकाले युनिसेफको सहकार्यमा तालिमको ब्यवस्था गरिएको हो । शनिवार सुरु भएको तालिम आईतवार सम्पन्न भयो । वालवालिकाको क्षमता अभिवृद गर्न नगरपालिकाले यस्ता कार्यक्रम निरन्तर सञ्चालन गर्दै लाने छ , उपमेयर लामाले भनिन् ।