काठमाडौं। गर्मी मौसम सुरु हुनुअघि एलजी इलेक्ट्रोनिक्सले आफ्ना ग्राहकहरूका लागि निःशुल्क एसी सेवा शिविर सञ्चालन गर्ने घोषणा गरेको छ। यो कार्यक्रम एलजीको नेपालस्थित आधिकारिक वितरक सिजी इलेक्ट्रोनिक्ससँगको सहकार्यमा सञ्चालन गरिनेछ।

यस सेवा शिविरअन्तर्गत एलजीका ग्राहकहरूले आफ्ना एयर कन्डिसनरहरू प्रशिक्षित प्राविधिकबाट कुनै पनि सेवा शुल्क बिना जाँच तथा मर्मत गराउन सक्नेछन्। यसले एसीको कूलिङ क्षमता सुधार्नुका साथै ऊर्जा बचत बढाउन र उपकरणको आयु लम्ब्याउन मद्दत गर्ने कम्पनीले जनाएको छ।

सेवा शिविरमा सहभागी ग्राहकहरूले स्पेयर पार्ट्समा ५० प्रतिशतसम्म छुट पाउनेछन्। साथै नयाँ एसी खरिद गर्दा २० प्रतिशत विशेष छुट र रु. ४ हजार बराबरको निःशुल्क जडान सुविधा पनि उपलब्ध गराइनेछ। आफ्नो पुरानो एसी साटेर नयाँ मोडेल लिन चाहने ग्राहकहरूले एसी एक्सचेन्जमा ५० प्रतिशतसम्म अतिरिक्त मूल्याङ्कन प्राप्त गर्न सक्नेछन्।

त्यसैगरी, सेवा शिविरमा सहभागी हुने ग्राहकहरूले रु. ३ हजार बराबरका दुईवटा सेवा कुपन पनि प्राप्त गर्नेछन्, जुन छ महिनासम्म मान्य रहनेछन्।

ग्राहकहरूलाई नयाँ एसी खरिद गर्न सहज बनाउन एलजी र सिजी इलेक्ट्रोनिक्सले सिजीएक्स इलेक्स मार्फत सजिलो किस्ता सुविधा पनि उपलब्ध गराएका छन्। यस सुविधामार्फत ग्राहकहरूले लचिलो भुक्तानी योजनासहित नयाँ एसी खरिद गर्न सक्नेछन्।

निःशुल्क एसी सेवा शिविरमा सहभागी हुन इच्छुक ग्राहकहरूले सिजी केयरको आधिकारिक क्यूआर कोड स्क्यान गरेर वा सेवा हटलाइन १६६–००–१००–२११ वा ०१–५९७०२११ मा सम्पर्क गरेर दर्ता गर्न सक्नेछन्।

एलजी इलेक्ट्रोनिक्स बारे

एलजी इलेक्ट्रोनिक्स उपभोक्ता इलेक्ट्रोनिक्स तथा घरेलु उपकरण क्षेत्रमा अग्रणी विश्वव्यापी कम्पनी हो। नवप्रवर्तन, ऊर्जा दक्ष प्रविधि तथा उत्कृष्ट ग्राहक सेवाका लागि परिचित एलजीले नेपालमा सिजी इलेक्ट्रोनिक्ससँगको सहकार्यमा नेपाली उपभोक्ताहरूलाई विश्वस्तरीय उत्पादन तथा भरपर्दो बिक्रीपछिको सेवा उपलब्ध गराउँदै आएको छ।