काठमाडौं । पेशागत बीमा अभिकर्ता संघ नेपाल अन्तर्गत नेशनल लाइफ इन्स्योरेन्स बीमक समितिको नयाँ नेतृत्व चयन गरिएको छ। राजेन्द्र बहादुर चन्द अध्यक्षमा सर्वसम्मत रूपमा निर्वाचित भएका हुन्।

बुटवल मा शुक्रबार सम्पन्न दोस्रो राष्ट्रिय अधिवेशनले चन्दको नेतृत्वमा नयाँ कार्यसमिति गठन गरेको हो। समितिको वरिष्ठ उपाध्यक्षमा शंकर लामिछाने चयन भएका छन् भने उपाध्यक्षहरूमा याम कुमार राई, राजेश यादव, लिला कुमारी अधिकारी, भुवानी प्रसाद अधिकारी, चुडामणी सुवेदी, पुष्पा खड्का र मञ्जु भट्ट रहेका छन्।

यसैगरी सचिवमा यतिराज अधिकारी चयन हुँदा सहसचिवहरूमा मनोज कुमार अधिकारी, राधिका कुमारी बस्नेत र निराजन राई रहेका छन्। कोषाध्यक्षको जिम्मेवारी श्याम कुमार श्रेष्ठ लाई दिइएको छ भने सहकोषाध्यक्षमा बसन्त थापा चयन भएका छन्।

नवगठित समितिमा केन्द्रीय सदस्यका रूपमा भोला शाह, नेपालमान श्रेष्ठ, चन्दा कुमारी रविदास, वविता कुमारी सिङदन, रेखा देवि ठाकुर, नागेन्द्र कुमार दास, गोपाल अधिकारी, टेकराज मगर, हिरालाल श्रेष्ठ, सन्तोष गुरुङ, प्रदिप दाहग्ले, शर्मीला अर्याल पाण्डे, नविन काफ्ले, पूर्ण बहादुर महतराज, रतन सिंह चाट, सन्तराज ठकुल्ला र भक्त बहादुर बुढा चयन भएका छन्।

अधिवेशनमा निवर्तमान अध्यक्ष गोविन्द प्रसाद अधिकारी ले सभाध्यक्षता गरेका थिए। प्रमुख अतिथिका रूपमा सुरेश प्रसाद खत्री सहभागी थिए भने केदारनाथ अधिकारी, जमुना अर्याल आचार्य, विवेक शर्मा, दिपनारायण खनाल, दिपक अर्याल र बिमल न्यौपाने लगायतका व्यक्तित्वहरूको उपस्थिति रहेको थियो।

नयाँ नेतृत्व चयनसँगै बीमा अभिकर्ताहरूको पेशागत सुदृढीकरण, क्षमता विकास तथा बीमा सेवाको विस्तारमा थप सक्रियता आउने अपेक्षा गरिएको छ।