काठमाडौं । पेट्रोलियम ढुवानी व्यवसायी महासंघले विभिन्न माग राखेर जारी राखेको आन्दोलन स्थगित भएको छ । बुधबार नेपाल आयल निगमसँग भएको तीन बुँदे सम्झौता पनि आन्दोलन स्थगित भएको हो । महासंघले देशभरका डिपोबाट प्रोडक्ट डेलिभरी अर्डर नै नलिएर आन्दोलन गर्दै आएका थिए ।

नेपाल आयल निगम र महासंघले जारी गरेको सम्झौतामा व्यवसायीको मागलाई आगामी असोजभित्र कार्यान्वयनमा जाने जनाइएको छ । महासंघले भाडा वृद्धिसम्बन्धी प्रतिवेदन आगामी असोज ७ गतेसम्म निर्णय गरी लागु गर्ने सहमति भएको जनाएका छ । महासंघका अन्य मागका सम्बन्धमा भने महासंघका प्रतिनिधिसहित सम्बन्धित संस्था र संगठनका प्रतिनिधिहरुको उपस्थितिमा छलफलपछि सहमति गर्ने निर्णय भएको छ ।