नवराज श्रेष्ठ, युवा व्यवसायी,

व्यावसायिक क्षेत्रमा छिटो फड्को मार्दै गरेका युवा उद्यमी हुन् नवराज श्रेष्ठ । इमान्दारिता, लगनशिलता, धैर्यता र सबैसँग मिठो बोलीचालीका साथै जस्तो सुकै समयमा पनि कामलाई नै बढी प्राथमिकतामा राख्ने भएकाले नै आज नवराजले व्यवसायिक क्षेत्रमा स्वदेशमा मात्र नभएर विदेशमा समेत चर्चा कमाउन थालेका छन् । २०५७ सालमा उच्च शिक्षाका लागि राजधानी आएका श्रेष्ठले कम समयमै आफूलाई सफल युवा उद्यमीका रूपमा परिचित गराएका छन् ।

उच्च शिक्षापछि पारिवारिक व्यवसायसँगै अगाडि बढेका श्रेष्ठका सुरूका दिनहरू केही कठिनाइपूर्ण भए तापनि बिस्तारै मिहिनेत र लगनशीलताले आफ्नो व्यवसायलाई विस्तार गर्न सफल भएका छन् । पारिवारिक पृष्ठभूमिलाई हेर्दा श्रेष्ठका पिता श्रीराम श्रेष्ठले पञ्चायतकालदेखि बहुदलसम्मको (२०२० देखि २०६३सम्म) दोलखा जिल्लाको ग्रामीण भेगमा आफ्नो छुट्टै पहिचान बनाउन सफल भएका थिए । कपडा पसलबाट सुरू भएको पिताको व्यवसायलाई पछि थप गर्दै छोराहरूसम्म पुग्दा व्यापार व्यवसाय फैलिएर एक्सपोर्ट ईम्पोर्टसम्मको व्यापार–व्यवसाय यस व्यापारिक घरनामा सुरू भएको छ ।

नेपाली कार्पेटलाई निर्यात र विदेशी कार्पेटलाई आयात गर्दै फर्निसिङ व्यवसायबाट सुरू भएको श्रेष्ठको व्यापार यात्रा २०६४ देखि अहिलेसम्म आउँदा अन्तर्राष्ट्रियकरण भइसकेको छ । श्रेष्ठले हाल फर्निसिङ, मोटर र वाईन गरी मुख्य तीन व्यवसाय एक साथ सञ्चालन गरिरहेका छन् । फर्निसिङ र यातायातका साथै वाईन स्प्राइटको खुद्रा तथा होलसेलको व्यवसाय सुरू गरेका श्रेष्ठका आगामी योजना भने नेपाली ब्राण्डका वाईनलाई अन्तर्राष्ट्रिय बजारमा पहिचान दिलाउनु रहेको छ । नेपाली घरेलु उत्पादनको अर्गानिक उत्पादनलाई अन्तर्राष्ट्रिय बजारमा परिचित गराउनुका साथै नेपाली वाईनका उत्पादनहरूलाई विश्वव्यापी बनाउने योजना रहेका उनिसँग रमेश कुमार बोहोराले गरेको कुराकानीः–

अहिले केमा ब्यस्त हुनुहुन्छ ?
आफ्नो व्यवसायमा नै आफूलाई व्यस्त राखेको छु भने सरकारले मदिरा व्यवसाय र यससँग सम्बन्धित भएर गरेको निर्णयप्रति हामी गम्भीर छलफलमा छौ । व्यवसायी तथा आम ग्राहकहरूकै मध्यनजरमा हामी विशेष फोकस गरिरहेका छौ ।

अब कसरी अघि बढने सोचमा हुनुहुन्छ ?

सम्पूर्ण मदिरा व्यवसायीहरूले २०७५÷०७÷२८ गते आन्तरिक मामिला तथा कानुन मन्त्रालयद्वारा आयोजित ‘मदिराजन्य वस्तुको विक्री वितरण, सेवन तथा उपयोग सम्बन्धि अन्तरक्रिया तथा छलफल’ कार्यक्रम पछि एउटा निर्दिष्ट लक्ष्यका साथ राष्ट्रलाई पनि फाइदा र उपभोक्तालाई पनि फाइदा हुने खालको एजेन्डा सहित अघि बढने तयारी हाम्रो मदिरा उत्पादक तथा व्यवसायीहरू छौ ।

समाज र जनताको लागि मदिराजन्य पेय पदार्थ राम्रो त होइन नि ?

पक्के पनि । तर, सामाजिक रितिथिति परम्परा पनि त यसैले धानेको छ । हामीले गरेनौ भने अरूले गर्छ । यस अर्थमा हामीले हाम्रो समाज सुधार्ने भन्दै गर्दा हाम्रो समाजमा अरूको हाली मुहाली त हेरेर बस्ने कुरा आउँदैन । देशको अर्थतन्त्रलाई किन विदेश पठाउने ?

भनेपछि मदिरा उत्पादन र विक्री वितरण रोकिदैन ?

मैले अघिपनि भने हामीले नगरे अर्कोले गर्छ । खुल्ला बजार, प्रतिस्पर्धी व्यवसायिक दायरा भएको हाम्रो जस्तो मुलुकमा भोली विदेशका ठूला ब्राण्डहरूले हाम्रो मौलिक समाज र बजारलाई छपक्कै छोप्न सक्छन तसर्थ हामीले केही सोच्नै पर्छ र मैले त सोचि पनि सकेको छु ।

मैले पनि सोचि सोकेको छु भन्नु भयो, के सोच्नु भएको छ त ?

विदेशी ब्राण्डहरू मात्र होइन अब हाम्रो ब्रान्डलाई विदेशी कम्पनीहरूले फ्रेन्नचाइच (किन्ने) अधिकार, लिन आउने छन् । सम्झनुहोस् त्यति बेला देशको अर्थतन्त्रलाई कति टेवा पुग्छ भनेर । हामी हाम्रो लोकल स्वादलाई विश्व सामु फरक टेष्ट र उत्कृष्ट ब्रान्ड बनाएर विश्व बजारमा लैजाने प्रयास गर्ने छौ ।

विदेशी व्रान्डहरूसँग प्रतिस्पर्धा गर्न सक्नुहुन्छ ?

संसारले फरक कुरा फरक स्वादलाई सधै आत्मसाथ गरेको छ । ल्यत यलथि ाययम बलम मचष्लपक जस्तो की सिनेमा कै कुरा गर्दा पनि तजयगनज या ज्ष्लमगकतब भन्दा बढाई हो ले सफलता प्राप्त गर्नुमा नै तपाईंले अनुमान लगाउन सक्नुहुन्छ । सिनेमा र उत्पादन पनि उस्तै हो । फरक टेष्ट बजारमा मज्जाले विक्छ । हामीसँग संसारकै फरक र मिठा मदिराका टेष्टहरू छन् । खै ति कुराहरूलाई हामीले बजारमा ल्याएको ?

अब अलिक प्रसंग बदलौ, छोटो समयमै यहाँले व्यवसायिक सफलता हासिल गर्नुभयो ? यो कसरी सम्भव भयो ?

सफलताको लागि सानो उमेर र छोटो समय भन्ने हुँदैन । लगनशीलता, मिहिनेत, लगाव र आर्शिवादको मिलन हुनु जरूरी छ । यदी तपाईंमा केही गर्छु भन्ने उद्देश्य र सोच छ भने पक्कै तपाईंले सफलता प्राप्त गर्नु हुने छ ढिला चाडो मात्रै हो । मेरो हकमा भन्नु पर्दा मेरो पारिवारिक पृष्ठभूमि र मेरो सम्पूर्ण परिवारनै व्यापार व्यवसायमा भएको मलाई सजिलो भने पक्कै भएको हो । मेरो बुबासँग २०२० सालदेखि २०६३ सम्म कपडाको व्यापारको अनुभव सायद मलाई मेरो बुबाकाके आर्शिवादले आज म यहाँ छु ।

तपाईंले व्यापार व्यवसायबाटै थुप्रै सम्मान तथा अवार्डहरू प्राप्त गर्नुभएको छ, समाज सेवा के हो तपाईंको विचारमा ?

समाज सेवा मेरो आत्म सन्तुष्टि हो । जब मेरो आत्मले चाहन्त म हरदम समाज र सामाजिक सेवामा लागि रहन्छु । कामाएको केही अंश समाजको सामाजिक कार्यमा खर्चिन पाउँदा गर्व महशुस हुन्छ । यही कारण त मलाई समाजले सम्मानको हकदार बनाएको छ । अवार्डहरू दिलाएको छ ।

अन्त्यमा केही भन्न चाहनु हुन्छ ?

फर्निसिङ व्यवसायबाट सुरूवात भएको हाम्रो व्यापार सुरूमा काठमाडौँको चावहिलमा सुरू भएको थियो भने पछि त्यसलाई फैलाउँदै कोटेश्वर र पेप्सीकोला गरी थप दुई आउटलेडहरू सञ्चालनमा ल्याऔ । अहिले हाम्रा आयात–निर्यातका व्यवसायबाट थुप्रै नेपाली युवाहरूलाई रोजगार दिनुका साथै राष्ट्र निर्माणमा समेत ठूलो टेवा पु¥याएका छौ हामीले । हामीले छिट्टै नै पर्यटकलाई लक्षित गरी पर्यटक बस सञ्चालन गर्ने तयारीमा गरेका छौ । काठमाडौँ, ललितपुर र भक्तपुरका प्रमुख पर्यटकीय तथा धार्मिक स्थलहरूमा घुम्न आउने आन्तरिक तथा बाह्य पर्यटकलाई लक्षित गरी सञ्चालनमा आउने बसहरूले सस्तो दरमा पर्यटकहरूलाई घुमाउने लक्ष्य राखिएको छ । फर्निसिङ र यातायातका साथै वाईन स्प्राइटको खुद्रा तथा होलसेलको व्यवसाय सुरू गरेको हाम्रो आगामी योजना भने नेपाली ब्राण्डका वाईनलाई अन्तर्राष्ट्रिय बजारमा पहिचान दिलाउनु हो । नेपाली घरेलु उत्पादनको अर्गानिक उत्पादनलाई अन्तर्राष्ट्रिय बजारमा परिचित गराउनुका साथै नेपाली वाईनका उत्पादनहरूलाई विश्वव्यापी बनाउने योजना रहेको छ ।