काठमाडौं । नेपाल चलचित्र कलाकार संघको मतगणना सुरु भएको छ । मतदान आज दिउँसो साढे २ बजेदेखि स्काई दरबारमा सुरु भएको थियो ।

मतदान पश्चात नेपाल चलचित्र कलाकार संघको अध्यक्ष पदका उम्मेदवार मोहन निरौलाले नेपाली चलचित्र क्षेत्रका कलाकारहरुले अत्याधिक रुपमा इच्छा देखाएर मतदान गरेको यो पहिलो पटक भएको बताएका छन् ।

उनले आफू जित्ने नजित्ने कुरा निर्वाचनको परिणमपछि मात्र थाहा हुने भन्दै आफू जित्ने कुरामा सकारात्मक रहेको बताए ।

यस्तै, उपाध्यक्ष पदका उम्मेदवार कबिता गेलालले आफू निर्वाचित भए नेपालको चलचित्र क्षेत्रमा देखिएका कमि कमजोरीलाई जटाउने प्रयासमा लाग्ने बताईन् ।

यस्तै, कलाकार जयकिसन बस्नेतले कलाकारहरु पीडित भएको भन्दै यो क्षेत्रमा काम गर्ने कतिको लास जलाउन समेत चन्दा उठाउनु पर्ने अवस्था भएकोले यसमा सुधार हुनपर्ने बताए ।