काठमाडौं । नेकपा एकीकृत समाजवादी पार्टीका अध्यक्ष माधव कुमार नेपालले सबै कम्युनिष्ट पार्टीहरुलाई एकजुट हुन आग्रह गरेका छन् ।

शनिबार काठमाडौंमा आयोजित नेपाल कम्युनिष्ट पार्टी स्थापना दिवसको विशेष कार्यक्रमममा अध्यक्ष नेपालले अलग अलग बसेर काम गर्दा शक्ति छरिने र त्यसको फाईदा प्रतिक्रियावादीहरुले उठाउने हुँदा कम्युनिष्ट पार्टी एक ठाउँमा आउन आवश्यक रहेको बताए ।

उनले भने, ‘ साम्राज्यवादी र प्रक्रियावादीहरुबाट जनतालाई मुक्त पारेर आन्दोलनको मूल प्रवाहमा सामेल गर्ने काम गर्नु जुन कम्युनिष्ट पार्टी भएपनि खुसीको कुरा हो । यो अलग अलग बसेर गर्दा शक्ति छरिएको हुन्छ ।

त्यसको् फाईदा प्रतिक्रियावादीहरुले उठाईरहेका हुन्छन् । त्यसो हुनाले हामी मिल्नुपर्छ। एकठाउँमा आउँनुपर्छ। यसै सिलसिलामा हामीले सोचिरहेका छौ । देशका जनताको साझा बिषय बस्तुशरुमा सहकार्य गरौं । एउटा मोर्चा बनाऔं। मोर्चा बनाएर देशमा हामीले एउटा तरङ्ग पैदा गरौं।’

उनले कम्युनिष्ट पार्टीहरु आपसमा एकता गर्न नसके सिंगो देशलाई एकता गर्न नसक्ने टिप्पणी गरे ।
कम्युनिष्ट पार्टी सत्तामा पुगिसकेपछि अरुलाई अपमान गर्ने प्रवृत्तिको रहेको पनि उनको निष्कर्ष छ ।