दाङ ८ फागुन । नेपाल प्रेस युनियन दाङले पत्रकार महासंघका पूर्वउपाध्यक्ष विपुल पोख्रेललाई महासङ्घको आगामी केन्द्रीय अध्यक्षको उम्मेदवारमा प्रस्ताव गर्ने निर्णय गरेको छ ।

युनियनको आइतबार दाङको घोराहीमा भएको रणनीतिक भेलालले पोख्रेललाई केन्द्रीय नेतृत्व लिनका लागि सक्षम रहेको निष्कर्ष निकाल्दै अध्यक्षमा सर्वसम्मत प्रस्ताव गर्ने निर्णय गरेको हो ।

विभिन्न तीन वुँदे निर्णय गर्दै आसन्न नेपाल पत्रकार महासङ्घको दाङ शाखाको अधिवेशनलाई मध्यन नजर गर्दै सहमतिमा नेतृत्व चयन गर्न सबै सङ्गठनहरुलाई आग्रह पनि गरेको छ । पोख्रेल प्रेस काउन्सिल नेपालका पूर्वसदस्यसमेत हुन् ।

सहमतिका लागि युनियनले अग्रता लिएर अन्य सङ्गठनसँग छलफल अघि बढाउने निर्णय गरेको युनियनका सचिव देवेन्द्र बस्नेतले जानकारी दिएका छन् । बिहीबार महासङ्घ दाङको जिल्ला अधिवेशन हुँदैछ ।