१६ जेठ, काठमाडौं –बिकाश आचार्यको ‘नाई नभन्नु ल २’बाट चलचित्र अभिनयमा डेब्यु गरेकी बर्षा सिवाकोटीका चलचित्र भन्दा धेरै बढी भिडियो सार्वजनिक भएका छन् । म्युजिक भिडियोबाटै चलचत्रि तिर डेब्यु गरेकी यी अभिनेत्रीले ‘पशुपति प्रसाद’, ‘सुब्बा साब’, ‘लप्पन छप्पन’ लगायत करिब आधादर्जन हाराहरीको चलचित्र अभिनय गरेकी छन् ।

जतिनै चलचित्र अभिनय गरेपछि ‘पशुपती प्रसाद’बाट मात्रै राम्रै चर्चा पाउन सफल उनी दर्शकको नजरमा अभिनेत्रीको रुपमा क्लिक हुन भने अझै सकेकी छैनन् । गतिलो ब्यानर र चम्किला निर्देशकसँग काम गर्ने अवसर पाउँदा पनि ओझेरमा रहने गरेकी बर्षाका ‘लप्पन छप्पन’ पछि कुनै पनि चलचित्र आएका छैनन् ।

त्यसैले अहिले चलचित्र क्षेत्रमा उनी छिन् वा हराइन् भन्ने जस्ता टिकाटिप्पणी हुन थालेका छन् । यसको जवाफ उनले केही दिन पहिले एक फेसन शो मार्फत दिएकी छन् । राजधानीको तारे होटलमा आयोजित उक्त फेसन सोमा उनले बिभिन्न आकर्षक पहिरन र्याम्पमा प्रस्तुत गरिन् ।