Nabil Bank
Everest Bank Limited
prabhubank

अलैँचीको व्यावसायिकरुपमा खेती गर्न सुरु

मिडिया स्पेस सोलुसन्स प्रालि

१७ जेठ, धादिङ-  मसला र जडीबुटीका रुपमा प्रयोग गरिने अलैँचीलाई यहाँका किसानले व्यावसायिकरुपमा खेती गर्न सुरु गरेका छन् ।

बर्सेनि अन्य खेतीको तुलनामा बढी आम्दानी हुने भएपछि यहाँका किसान अलैँचीखेतीतर्फ आकिर्षत भएका हुन् ।

जिल्लाका विभिन्न ठाउँका किसानले परीक्षणका रुपमा अलैँचीखेती गर्न थालेका छन् । पानी भएको जस्तोसुकै जमिनमा पनि अलैँचीखेती हुने भएपछि उत्तरी धादिङको झार्लाङ र रिकाका किसान यस खेतीको विस्तारमा लागेका छन् । केही वर्षअघि घर वरपर एक दुई बोट अलैँची लगाएका किसानले अहिले भिरालो र पानी भएको जमिनमा हजारौँ अलैँचीका बिरुवा लगाएका छन् ।

“एउटै किसानले १५÷२० रोपनीमा पाँच हजारसम्म बिरुवा लगाएका छन्,” झार्लाङका रामसिंह तामाङले भन्नुभयो । अलैँचीबाट अबको दुई वर्षमा नै उत्पादन लिन पाउने उहाँको भनाइ छ । यहाँका किसानले खेर गएको सयौँ रोपनी जमिनमा सामूहिक रुपमा अलैँचीखेती गरेका छन् ।

गत वर्ष लगाएको अलैँचीमा फूल लाग्न सुरु गरेको तामाङ बताउनुहुन्छ । अन्न बाली अत्यन्त कम उत्पादन हुने उत्तरी धादिङको झार्लाङ र रिमा भिरालो करिब ३०० रोपनी जमिनमा किसानले अलैँचीखेती गरेका छन् । “प्रत्येक परिवारले आफ्नो घरायसी प्रयोजनका लागि समेत धेरथोरै अलैँचीको बिरुवा लगाएका छन्,” तामाङले भन्नुभयो । यहाँका ३५ परिवार व्यावसायिक रुपमा अलैँचीखेतीमा संलग्न छन् ।

अलैँचीखेती प्रवद्र्धनका लागि किसानले जिल्ला कृषि विकास कार्यालयसँग प्राविधिक सहयोगका लागि माग गरेका छन् । सकारले ग्रामीण क्षेत्रका युवालाई नगदेबालीतर्फ आकर्षित गर्नसके रोजगारका लागि विदेश जानेको सङ्ख्यामा कमी आउने यहाँका किसान बताउँछन् । रासस

काठमाडौंमा बुधबारदेखि पाँचौं राष्ट्रिय मह मेला

काठमाडौंमा बुधबारदेखि पाँचौं राष्ट्रिय मह मेला

वि.सं.२०८१ वैशाख २५ मंगलवार १५:०१

  काठमाडौं । काठमाडौंमा बुधबारदेखि पाँचौं राष्ट्रिय मह मेला हुने...

कृषिमै आत्मनिर्भर हुनेगरी बजेट तथा कार्यक्रम ल्याउनुपर्छ : मन्त्री साह

कृषिमै आत्मनिर्भर हुनेगरी बजेट तथा कार्यक्रम ल्याउनुपर्छ...

वि.सं.२०८० चैत १२ सोमवार १७:३८

  काठमाडौँ । कृषि तथा पशुपंक्षी विकासमन्त्री ज्वालाकुमारी साहले कृषि...

पशु बीमा कम्पनीलाई ४८ करोड

पशु बीमा कम्पनीलाई ४८ करोड

वि.सं.२०८० चैत ५ सोमवार १६:२७

  काठमाडौं । सरकारले पशु वीमा कम्पनीलाई सहज बनाउन करिब...

दुग्ध किसानले एक साताभित्रै भुक्तानी पाउने गरी काम गरिरहेको छु : कृषिमन्त्री साह

दुग्ध किसानले एक साताभित्रै भुक्तानी पाउने गरी...

वि.सं.२०८० चैत ३ शनिवार १२:३६

काठमाडौं । कृषि तथा पशुपन्छी विकासमन्त्री ज्वाला कुमारी साहले एक...

‘कृषिजन्य उद्योगमा विद्युत निःशुल्क गर्नुपर्छ’

‘कृषिजन्य उद्योगमा विद्युत निःशुल्क गर्नुपर्छ’

वि.सं.२०८० माघ २७ शनिवार १९:३०

  काठमाडौं । कृषि तथा पशुपन्छी विकास मन्त्री बेदुराम भुसालले,...

कृषिमा आधारित उद्योगको विकासमा केन्द्रीत छौं : प्रधानमन्त्री

कृषिमा आधारित उद्योगको विकासमा केन्द्रीत छौं :...

वि.सं.२०८० माघ २० शनिवार १७:०१

सिन्धुली । प्रधानमन्त्री पुष्पकमल दाहाल प्रचण्डले कृषिमा आधारित उद्योगको विकासमा...