२ असार, काठमाडौं- सेञ्चुरी कमर्सियल बैंकले १० बराबर ४ अनुपातमा हकप्रद सेयर जारी गर्ने भएको छ । बैंकले धितोपत्र बोर्डमा यसको लागि आवेदन दिइसकेको छ ।

बैंकले यस निष्कासनबाट १ अर्ब ८८ करोड रुपैयाँ जुटाउने भएको हो । बैंकको चालु आवको तेस्रो त्रैमाशमा चुक्ता पुँजी ३ अर्ब ६८ करोड रुपैयाँ रहेको छ । बैंकले हालै ४ वटा अन्य संस्था प्राप्ति गरेको छ भने अर्को एक संस्था प्राप्तिको प्रक्रियामा रहेको छ । बैंकको सेयर बिक्री प्रबन्धक सिभिल क्यापिटल रहेको छ ।

एशियन लाइफ इन्स्योरेन्स कम्पनीको पनि २ बराबर १ अनुपातमा हकप्रद सेयर जारी हुने भएको छ । कम्पनीले धितोपत्र बोर्डमा यसको लागि आवेदन दिइसकेको छ । कम्पनीले यसबाट ४० करोड २७ लाख जुटाउने भएको छ । कम्पनीको सेयर बिक्री प्रबन्धकमा एनआइबीएल क्यापिटल रहेको छ ।