५ असार, काठमाडौं– नेकपा माओवादी केन्द्र संखुवासभाका भोटखोला गाउँ कमिटि सदस्य तथा वडानम्बर २ का वडाअध्यक्षका उम्मेदवार छिनाङ भोटेको हत्याबारे माओवादी केन्द्रले छानविनको माग गरेको छ ।

भोटेको उम्मेदवारी दर्ता गर्न जाने क्रममा आईतबार बाटोमा कुटपिटपछि हत्या भएको थियो । माओवादी केन्द्रका प्रवक्ता पम्फा भुषालले सोमबार एक वक्तव्य जारी गर्दै घटनाको घोर निन्दा र भत्र्सना गरेकी छन् ।

विज्ञप्तिमा छिनाङका हत्याराको अविलम्ब खोजी गरी कडा कारबाही गर्न समेत माग गरिएको छ ।

साथै माओवादीले निर्वाचनको प्रक्रियामा उमेद्वार तथा मतदाताहरुको पूर्ण सुरक्षाको वातावरण सुनिश्चित गर्न सरकारसँग जोडदार माग समेत गरेको छ ।