गएराति प्रहरीले काठमाडौंको मुलपानी–७ का तेन्दु शेर्पाको घरमा  छापा मार्दा दुई जनाको मृत्यु भएको छ ।

अवैध रुपमा सञ्चालित जुवा घरमा छापा मार्नेक्रममा घरको छतबाट भाग्न खोज्दा खसेपछि उपचारको क्रममा मृत्यु भएको हो । भने २३ जना पक्राउ परेका छन्।

प्रहरी परिसर काठमाडौंकाअनुसार हाम फाल्ने सरोज घले र सोमलाल तामाङको उपचारका क्रममा राति नै मृत्यु भएको हो ।

संगठित रुपमा जुवा खेलाइरहेको सूचनाका आधारमा प्रहरीले छापा मारेको थियो । साढे ३ तलाको घरको तेस्रो तलामा जुवा खेलिरहेकाहरुले प्रहरी आएको थाहा पाएपछि झ्यालबाट हाम फालेका थिए । प्रहरी परिसर काठमाडौंकाअनुसार हाम फाल्ने सरोज घले र सोमलाल तामाङको उपचारका क्रममा राति नै मृत्यु भएको छ ।

प्रहरीले जुवा अखडाबाट २४ जना जुवाडे र ४ लाख ५८ हजार रुपैंया बरामद गरेको छ ।

सादा पोसाकमा खटिएको डीएपी होबिन्द्र बोगटी नेतृत्वको टोलीले उक्त जुवा घरमा छापा मारेको हो । घटना स्थलमा महानगरीय प्रहरी परिसर काठमाडौंका प्रमुख एसएसपी बसन्त लामा र एसपी अशोक सिंह समेत पुगेका थिए।

घटना स्थललाई नियन्त्रणमा लिनको लागि बौद्ध प्रहरी, बानेश्वर प्रहरी र गौशालाबाट समेत प्रहरी परिचालन गरिएको थियो ।