काठमाडौं । धादिङकी पार्वती गुरुङको १ लाख २५ हजार रुपैयाँ शुक्रबार साँझ लुटिएको छ ।

रत्नपार्कबाट मनमैँजु जाँदै गर्दा उनको पर्ससहित नगद, नागरिकता र एटीएम कार्ड चोरी भएको जनाइएको छ ।

पार्वतीले विवाहको सामान किन्न त्यतिधेरै रकम बोकेकी थिइन् । माछापोखरी पुगेपछि उनले पैसा हराएको थाहा पाइन । व्यागभित्र रहेको पर्स चोरी भएको भन्दै उनले तत्कालै प्रहरी बृत्त बालाजुमा उजुरी दिएकी छिन् ।

जनप्रतिनिधि नै विदेशिएपछि ..

काठमाडौं । स्थानीय तहको निर्वाचन भएको डेढ वर्ष बितिसकेको छ । तर पनि जनताले स्थानीय तहबाट सोचेअनुसारको सेवा सुविधा पाइरहेका छैनन् । यसवीचमा झण्डै तिसजना जति प्रतिनिधिको निधन भइसकेको छ भने कतिपय विभिन्न काण्डमा जेल समेत परेका छन् । कतिपय व्यक्ति भने रोजगारको लागि विदेशिएका छन् ।
यसो हुँदा स्थानीय तह खाली छ । संखुवासभाको मकालु गाउँपालिकाका अध्यक्ष खड्गबहादुर कटुवाल र धरान उपमहानगरपालिकाका मेयर तारा सुब्बाको निधन भएको छ । कटुवालको दुर्घटनामा निधन भएको हो भने सुब्बाको बिरामी भएपछि निधन भएको हो । कटुवालको २०७४ पुस ३० गते र सुब्बाको २०७५ साउन १ गते निधन भएको हो । सरकारले स्थानीय तहमा रिक्त रहेका ठाउँमा अर्को निर्वाचन गर्ने चासो देखाएको छैन । सरकार असफल बन्दै गएको र जनताले धेरै आलोचना गरेपछि ती ठाउँमा फेरि चुनाव जितिदैन भन्ने डरले सरकारले अहिलेसम्म निर्वाचनका लागि कुनै पनि ऐन नियम बनाएको छैन । निर्वाचन आयोगले भने सरकारले जतिसक्दो छिटो ऐन बनाएर देओस् भन्दै आएको छ तर सरकारले चासो देखाएको छैन । सरकारले बनाएको कानून अनुसार नै निर्वाचनले निर्वाचनका कार्यक्रम अघि बढाउने हो ।
स्थानीय तह पनि विवादित बन्दै आएको छ । जनताले धेरै कर तिरेको र त्यसबापत केही नपाएको गुनासो गर्दै आएका छन् ।