काठमाडौं, २९ फागुन । सरकारले नेक्रविक्रम चन्द ‘विप्लव’ नेतृत्वको नेपाल कम्युनिष्ट पार्टी (नेकपा) माथि प्रतिबन्ध लगाएसँगै उक्त पार्टीका सबै नेता भूमिगत भएका छन् ।

सरकारले आफूहरुमाथि प्रतिबन्ध घोषणा गरे लगतै सरकारको घोषणाको प्रतिकार गर्ने प्रतिकार दिएसँगै नेताहरु भूमिगत बनेका हुन् । विप्लव माओवादीले सीके राउतलाई काखी च्यापेर आफूहरुको पार्टीमाथि प्रतिबन्ध घोषणा गर्नुलाई सरकार आफैले युद्धको वातावरण सिर्जना गरिरहेको आरोप लगाएको छ ।

पार्टीमा प्रतिबन्ध लागेपछि नेता–कार्यकर्ता धरपकडमा पर्नसक्ने देखिएसँगै विप्लवका नेता–कार्यकर्ता भूमिगत भएका हुन् ।

सर्वसाधरणको ज्यान नै जाने गरी बम विष्फोटन र चन्दा मागरे त्रास सिर्जना गरेको भन्दै मंगलबार साँझ बसेको मन्त्रिपरिषदको बैठकले विप्लव माओवादीमाथि प्रतिबन्ध लगाउने घोषणा गरेको हो । प्रधानमन्त्री केपी शर्मा ओलीले वार्तामा बोलाउँदा समेत नआएपछि सरकारले प्रतिबन्ध लगाउन परेको सरकारको ठहर छ ।