स्थगित वार्षिक साधारणसभा गोर्खाज फाइनान्सले स्थगित सभा भदौ २४ गते
Sunday Aug 29, 2021
वि.सं.२०७८ भदौ १३ आइतवार २१:५४
काठमाडौं । गोर्खाज फाइनान्सले स्थगित २६ औं वार्षिक साधारण सभा भदौ २४ गते बोलाएको छ । गोर्खाज फाइनान्सको भदौ ९ गते बुधबार बसेको सञ्चालक समिति बैठकले यस्तो निर्णय गरेको हो ।
सभा होटल क्राउन इम्पेरियल, सोल्टीमोड काठमाडौंमा भिडियो कन्फरेन्स मार्फत बिहान ११ बजे सुरु हुनेछ । यसले यसपटक लगानीकर्तालाई लाभांश भने वितरण नगर्ने भएको छ ।
सभामा कम्पनीको आर्थिक वर्ष २०७६र०७७ को नाफा नोक्सान सम्बन्धी हिसाबका सम्बन्धमा पनि छलफल हुनेछ । आर्थिक वर्ष २०७५र०७८ का लागि लेखापरीक्षक नियुक्ति र पारिश्रमिक निर्धारण गर्ने अर्को एजेन्डा पनि हुनेछ । सभा प्रयोजनका लागि गोर्खाजले यसअघिनै वैशाख ६ गतेबाट २१ गतेसम्म बुक क्लोज गरिसकेको छ ।
यसर्थ, वैशाख ५ गतेसम्म कायम सेयरधनीले सभामा भाग लिन सक्नेछन् । यसअघि कम्पनीले वैशाख २१ गते बोलाएको सभा कोरोना संक्रमणका कारण सरकारले गरेको निषेधाज्ञाका कारण स्थगित भएको थियो ।
