रौतहट । नेपालका लागि महिन्द्रा फोरव्हीलरको आधिकारिक बिक्रेता अग्नि ग्रुपअन्तर्गत बालाजु अटो वर्क्सले रौतहटमा नयाँ २ एस सेवा केन्द्र सञ्चालनमा ल्याएको छ। सेवा केन्द्रको उद्घाटन बुधबार गरिमा मोटर्सको वर्कसपमा एक औपचारिक समारोहबीच सम्पन्न भएको हो।
उद्घाटन समारोहमा मधेश प्रदेशका पूर्व उद्योग, वाणिज्य तथा पर्यटन मन्त्री समीर भट्टराई, महिन्द्रा एण्ड महिन्द्राका अटो डिभिजन तर्फबाट सर्भिस कन्ट्री म्यानेजर सोमनाथ धर, बालाजु अटो वर्क्सका सर्भिस हेड शिव सुदन श्रेष्ठ, र गरिमा मोटर्सका प्रबन्ध निर्देशक कुन्दन चौधरी लगायत विशिष्ट अतिथिहरूको उपस्थिति रहेको थियो।
सो अवसरमा श्रेष्ठले भने, “महिन्द्राको आधिकारिक सेवा केन्द्र रौतहटमा विस्तार गर्न पाउँदा हामी उत्साहित छौं। दक्ष प्राविधिक र आधुनिक उपकरणसहितको सेवा अब क्षेत्रीय ग्राहकको पहुँचमा हुनेछ।”
नयाँ सेवा केन्द्रले रौतहट तथा वरपरका महिन्द्रा प्रयोगकर्तालाई सहज, छिटो र गुणस्तरीय सेवा दिने लक्ष्य राखेको छ। बालाजु अटो वर्क्सले यसै माध्यमबाट महिन्द्राको स्वामित्व अनुभवलाई अझ परिस्कृत बनाउने लक्ष्य लिएको जनाएको छ।
अग्नि ग्रुपले देशभर सेवा केन्द्रहरूको सञ्जाल विस्तार गर्दै ग्राहक सन्तुष्टि सुनिश्चित गर्न सेवा सुधारको अभियानलाई तिव्रता दिइरहेको छ।
