काठमाडौँ । शंकर समूहअन्तर्गतको जगदम्बा मोटर्स प्रा.लि., नेपालमा TVS मोटर कम्पनीको आधिकारिक वितरकले नेपाली बजारमा एकैपटक दुई नयाँ मोटरसाइकल मोडल लञ्च गर्ने भएको छ। कम्पनीले यही असोज ५ गते (सेप्टेम्बर २१, २०२५) राष्ट्रिय सभा गृह, प्रदर्शनी मार्गमा हुने भव्य कार्यक्रममा “TVS Apache RTR 160 2V FI BS6” र “TVS Raider IGO” सार्वजनिक गर्ने घोषणा गरेको हो।

TVS Apache RTR 160 2V FI BS6

Apache Racing DNA बाट प्रेरित यो नयाँ संस्करणमा BS6 फ्यूल इन्जेक्सन प्रविधि प्रयोग गरिएको छ, जसले दमदार पावर, उत्कृष्ट माइलेज र युरोपेली लुक दिने दाबी गरिएको छ। यसमा 159.7cc FI इन्जिन, करिब 16.04 PS पावर र 13.85 Nm टोर्क, एरोडाइनामिक डिजाइन, ABS, डिजिटल कन्सोल, राइड मोड्स र SmartXonnect जस्ता विशेषताहरू समावेश छन्। साथै, यसमा आफ्नै सेग्मेन्टमा पहिलोपटक जीवनभरको वारेन्टी सुविधा रहेको कम्पनीले जनाएको छ।

TVS Raider IGO – नयाँ पुस्ताका लागि

स्टाइल र परफर्मेन्स दुवै चाहने युवालाई लक्षित गर्दै ल्याइएको Raider IGO मा 125cc इन्जिन, LED हेडलाइट, आधुनिक ट्यांक डिजाइन, पूर्ण डिजिटल क्लस्टर, सीट मुनि स्टोरेज, राइड मोड्स र कनेक्टिभिटी सुविधा उपलब्ध छन्। यो मोडललाई दैनिक यात्रा तथा रोमाञ्च खोज्नेका लागि उपयुक्त विकल्पका रूपमा प्रस्तुत गरिएको छ।

जगदम्बा मोटर्सका उपाध्यक्ष दीपक रौनियारले भने, “Apache RTR 160 2V FI BS6 ले दमदार रेसिङ प्रदर्शन दिनेछ भने Raider IGO ले युवापुस्तालाई लक्षित गर्दै स्टाइल, माइलेज र रोमाञ्च प्रदान गर्नेछ। यी दुवै मोडलले TVS ब्रान्डलाई अझ मजबुत बनाउन सहयोग गर्नेछन्।”

लञ्चपछि यी मोटरसाइकलहरू नेपालभरका सबै TVS शोरुम तथा डिलरशिपमा उपलब्ध हुनेछन्। ग्राहकहरूले विभिन्न कलर विकल्प, आधुनिक फिचर तथा आकर्षक लञ्च अफरहरू पनि पाउनेछन्।