काठमाडौं । नेपालका लागि बजाज मोटरसाइकलको आधिकारिक वितरक हंशराज हुलासचन्द एण्ड कम्पनीले नक्सालस्थित बाइकर्स क्याफेमा ‘डोमिनार डे’ सुरु गरेको छ। अभियान अन्तर्गत ग्राहकले टेस्ट राइड, एक्सचेन्ज तथा फाइनान्स सुविधा सहित नयाँ डोमिनार खरिद गर्न सक्नेछन्।

कम्पनीका अनुसार डोमिनार डेमा डोमिनार २५० वा ४०० कुनै पनि भेरियन्ट किन्ने ग्राहकले अल्फाको राइडिङ ज्याकेट, एमटी फुल–फेस हेलमेट र एनपीएल सिजन टिकेट निःशुल्क प्राप्त गर्नेछन्।

यसबाहेक पुराना मोटरसाइकल साटेर नयाँ डोमिनार लिन इच्छुक ग्राहकले तत्काल उत्कृष्ट भ्यालुएसन पाउने व्यवस्था मिलाइएको छ। फाइनान्स सुविधामार्फत बाइक किन्न चाहने उपभोक्ताले केवल नागरिकता प्रस्तुत गरेपछि नै डोमिनार घर लैजान सक्नेछन्।

अभियानका क्रममा टेस्ट राइड गर्ने हरेक राइडरलाई बजाज डोमिनारको मर्चेन्डाइज पनि प्रदान गरिने कम्पनीले जनाएको छ।

आजदेखि सुरु भएको डोमिनार डे कार्यक्रम डिसेम्बर ५ सम्म सञ्चालन हुनेछ।