काठमाडौं । २०८२ सालको निर्वाचनको अन्तिम परिणाम सार्वजनिक भएपछि राष्ट्रिय स्वतन्त्र पार्टी (रास्वपा) अप्रत्याशित रूपमा सबैभन्दा ठूलो दलको रूपमा उदाएको छ। रास्वपाले प्रत्यक्षतर्फ ११० सिटमा जित र १५ सिटमा अग्रता सहित कुल १२५ सिटमा उपस्थित भई व्यापक जनसमर्थन प्राप्त गरेको छ। समानुपातिकतर्फ यसले १४ लाख ६१ हजार ३८१ मत पाएको छ।

लामो समयदेखि मुख्य राजनीतिक शक्ति मानिँदै आएको नेपाली कांग्रेस यसपटक कमजोर देखिएको छ। कांग्रेसले प्रत्यक्षतर्फ १५ सिटमा जित र २ सिटमा अग्रता पाएर कुल १७ सिट हासिल गरेको छ। समानुपातिकतर्फ ४ लाख ९४ हजार २५१ मत प्राप्त गरेको कांग्रेसको प्रदर्शन अपेक्षाभन्दा कम भएको देखिन्छ।

नेकपा (एमाले) ले प्रत्यक्षतर्फ ७ सिटमा जित र ३ सिटमा अग्रता सहित कुल १० सिट हासिल गरेको छ। समानुपातिकतर्फ यसले ४ लाख ३ हजार ८९९ मत प्राप्त गरेको छ।

नेपाल कम्युनिष्ट पार्टी (नेकपा) ले ६ सिट जित र २ सिटमा अग्रता सहित कुल ८ सिट प्राप्त गरेको छ। समानुपातिकतर्फ यसले १ लाख ९३ हजार ५५० मत पाएको छ।

राष्ट्रिय प्रजातन्त्र पार्टी (राप्रपा) ले १ सिट जितेको छ र समानुपातिकतर्फ १ लाख ६ हजार ३९६ मत पाएको छ।

श्रम संस्कृति पार्टीले पनि अप्रत्याशित रूपमा १ सिट जित र २ सिटमा अग्रता सहित कुल ३ सिट प्राप्त गरेको छ। समानुपातिकतर्फ यसले ५९ हजार २४१ मत पाएको छ।

त्यसैगरी, एक स्वतन्त्र उम्मेदवारले १ सिटमा जित हासिल गरेको छ।