काठमाडौं । जिली (Geely) EX5 विद्युतीय सवारी साधनको नेपालस्थित आधिकारिक आयातकर्ता तथा वितरक एलआरआर मोटर्स (LRR Motors) ले आफ्नो लोकप्रिय पूर्ण विद्युतीय मिड–साइज एसयूभीहरूको मूल्यमा परिमार्जन गरेको औपचारिक घोषणा गरेको छ।

कम्पनीका अनुसार परिमार्जित मूल्य आजदेखि लागू भएको छ र काठमाडौं, नारायणगढ, विराटनगर, बुटवल तथा नेपालगञ्ज लगायत देशभरका सबै शोरूममार्फत जिली EX5 खरिद गर्दा लागू हुनेछ।

नयाँ मूल्य संरचना अनुसार जिली EX5 म्याक्स को मूल्य अघिल्लो रु. ६८ लाखबाट वृद्धि भई रु. ६९.९९ लाख कायम गरिएको छ भने जिली EX5 प्रो को मूल्य अघिल्लो रु. ५८ लाखबाट बढाएर रु. ५९.९९ लाख निर्धारण गरिएको छ।

कम्पनीले अमेरिकी डलरको विनिमय दरमा भएको निरन्तर वृद्धि तथा आयात लागतमा परेको प्रभावका कारण मूल्य समायोजन गर्नुपरेको जनाएको छ।

मूल्य परिमार्जन भए पनि एलआरआर मोटर्स (LRR Motors) ले आफ्नो जारी नववर्ष बिक्री योजना यथावत् रहेको जानकारी दिएको छ। जिली EX5 खरिद गर्ने ग्राहकहरूले थाइल्याण्ड भ्रमणसहित स्मार्ट कफी मेसिन, एडाप्टेबल चार्जर, आकर्षक नगद छुट तथा सहज वित्तीय सुविधा जस्ता विभिन्न अफरहरू प्राप्त गर्न सक्नेछन्।

“जिली EX5 ले नेपालभरका ग्राहकहरूबाट अत्यन्त उत्साहजनक प्रतिक्रिया प्राप्त गरेको छ, जसले विद्युतीय सवारीप्रति बढ्दो विश्वासलाई प्रतिबिम्बित गर्दछ। मुद्रा विनिमय दरमा भएको उतारचढावजस्ता बाह्य आर्थिक कारणले मूल्य परिमार्जन आवश्यक भएको हो, तर हामी ग्राहकलाई उत्कृष्ट मूल्य प्रदान गर्न प्रतिबद्ध छौं,” कम्पनीले जनाएको छ।

मूल्य परिमार्जनबारे अधिर श्रेष्ठ ले थाइल्याण्ड भ्रमणसहितको नववर्ष अफरले ग्राहकहरूलाई प्रिमियम ईभी अनुभवसँगै निरन्तर विशेष लाभ प्रदान गर्ने बताए।

एलआरआर मोटर्स (LRR Motors) ले उन्नत प्रविधि, उत्कृष्ट कार्यसम्पादन तथा ग्राहककेन्द्रित सेवामार्फत नेपालमा तीव्र गतिमा विकास भइरहेको विद्युतीय सवारी बजारमा आफ्नो उपस्थिति अझ सुदृढ बनाउने प्रतिबद्धता व्यक्त गरेको छ।

थप जानकारीका लागि ग्राहकहरूलाई नजिकको शोरूम वा आधिकारिक प्रतिनिधिसँग सम्पर्क गर्न अनुरोध गरिएको छ।