काठमाडौं, असार २८ — नयाँ घरेलु उपकरण श्रृंखला LG Essential Series सार्वजनिक गरेको LG ले ‘हरेक घरको खुशी, घर-घरमा LG’ अभियानलाई देशव्यापी रूपमा विस्तार गर्ने भएको छ। काठमाडौंमा सम्पन्न राष्ट्रिय शुभारम्भपछि कम्पनीले इटहरी, नारायणघाट, पोखरा, बुटवल र नेपालगञ्जमा चरणबद्ध रूपमा विशेष कार्यक्रम आयोजना गर्ने जनाएको छ।

LG Electronics Singapore र यसको नेपालस्थित आधिकारिक वितरक CG Electronics को सहकार्यमा नेपाली उपभोक्ताको आवश्यकता र जीवनशैलीलाई ध्यानमा राखेर विकसित गरिएको Essential Series काठमाडौंस्थित विवान्ता होटलमा आयोजित कार्यक्रममा सार्वजनिक गरिएको हो।

कम्पनीका अनुसार अभियानअन्तर्गत इटहरीमा असार १५, नारायणघाटमा असार १७, पोखरामा असार १९, बुटवलमा असार २१ तथा नेपालगञ्जमा असार २३ गते विशेष कार्यक्रम आयोजना गरिनेछ। कार्यक्रममा उपभोक्ताले नयाँ उत्पादन प्रत्यक्ष अवलोकन गर्न, तिनका विशेषताबारे जानकारी लिन तथा आफ्ना आवश्यकताअनुसार उपयुक्त उपकरण छनोट गर्ने अवसर पाउनेछन्।

नयाँ Essential Series अन्तर्गत नेपाली बजारका लागि विशेष रूपमा डिजाइन गरिएका डबल–डोर रेफ्रिजेरेटर, फुल्ली अटोमेटिक टप–लोड वासिङ मेसिन र रूम एयर कन्डिसनर समावेश छन्।

डबल–डोर रेफ्रिजेरेटरमा Frost-Free Technology, Smart Mode तथा अघिल्ला मोडेलको तुलनामा २० प्रतिशत बढी तरकारी भण्डारण क्षमता रहेको कम्पनीले जनाएको छ।

त्यस्तै, फुल्ली अटोमेटिक टप–लोड वासिङ मेसिनमा ProShield Motor, BMC Cover, IPX4 प्रमाणित Water-Resistant Control Panel तथा Low-Pressure Fill Technology जस्ता सुविधा समावेश गरिएको छ, जसले कम पानीको चापमा पनि प्रभावकारी धुलाई सुनिश्चित गर्ने कम्पनीको दाबी छ।

ऊर्जा–दक्ष प्रविधिसहितको रूम एयर कन्डिसनरमा Cooling तथा Heating दुवै सुविधा उपलब्ध रहेको बताइएको छ। यसमा वातावरणमैत्री R32 Refrigerant प्रयोग गरिएको छ भने परम्परागत Non-Inverter एसीको तुलनामा कम विद्युत् खपत हुने कम्पनीले जनाएको छ।

कम्पनीका अनुसार LG Essential Series का उत्पादनहरूको बिक्री वितरण नेपालभर जुन २०२६ देखि सुरु हुनेछ। प्रारम्भिक मोडेलहरूको मूल्य करिब ४९ हजार ६९० रुपैयाँबाट सुरु हुनेछ। उत्पादनहरू देशभरका आधिकारिक LG ब्रान्ड शप, मल्टि-ब्रान्ड रिटेल आउटलेट तथा ई–कमर्स प्लेटफर्ममार्फत उपलब्ध हुनेछन्।

CG Electronics, CG Corp Global अन्तर्गतको कम्पनी हो र नेपालमा LG उत्पादनहरूको आधिकारिक वितरकका रूपमा कार्यरत छ। कम्पनीले LG Electronics Singapore सँग चार दशकभन्दा लामो समयदेखि सहकार्य गर्दै आएको जनाएको छ।