१३ जेठ,  काठमाडौं- 

राष्ट्रपति विद्यादेवी भण्डारीले बिहीवार ब्यबस्थापिका संसदमा पूस्तुत गरेको सरकारको नीति तथा कार्यक्रम छलफलका लागि सदनमा पेश गरिएको छ । प्रमुख तीन दलवीच संसद खोल्ने विषयमा शनिवार विहान सहमति भएपछि दिउँसो सूचारु भएको संसद बैठकमा प्रधानमन्त्री पुष्पकमल दाहालले नीति तथा कार्यक्रम छलफलका लागि पेश गरेका हुन् ।

बैठकमा माओवादी केन्द्रका मुख्य सचेतक टेकबहादुर बस्नेतले नीति तथा कार्यक्रम    सम्बोधनका लागि राष्ट्रपतिसमक्ष धन्यवादको प्रस्ताव पेस गरेका छन् । सो प्रस्तावलाई नेपाली काङ्ग्रेसका प्रमुख सचेतक चीनकाजी श्रेष्ठले समर्थन गरेका हुन् । बिहीवारै धन्यवाद प्रस्ताव पेश गर्न खोजिएपनि विपक्षी दल एमालेको अवरोधका कारण रोकिएको थियो ।

उक्त प्रस्तावमाथि सोमवार र मङ्गलवार छलफल गर्न सभामुख ओनसरी घर्ती मगरले समय तोकेकी छिन् ।

राष्ट्रपति भण्डारीसमक्ष प्रधानमन्त्री दाहालले यही जेठ १० गते दिनुभएको राजनीनामाबारे प्राप्त पत्रको व्यहोरा आजको बैठकमा सभामुख घर्तीले सुनाउनुभयो । सत्ता पक्ष र प्रमुख प्रतिपक्षबीच सहमतिपछि आजदेखि संसद् पुनः सञ्चालनमा आएको हो ।