काठमाडौं । नेपालका लागि टाटा मोटर्सको आधिकारिक वितरक सिप्रदी ट्रेडिङ प्रालिले आजदेखि साउन २५ गतेसम्म देशव्यापी टाटा ईभी अटो कार्निभल नामक विशेष कार्यक्रम सञ्चालन गर्ने घोषणा गरेको छ।

यस कार्यक्रमअन्तर्गत ग्राहकहरूले जुनसुकै ब्रान्डका पुराना गाडी साटेर टाटा ब्रान्ड अन्तर्गतका अत्याधुनिक विद्युतीय गाडीहरू—जस्तै टियागो ईभी, कर्भ ईभी, नेक्सन के ३ ईभी र पन्च ईभी एक्सचेन्ज तथा खरिद गर्न सक्नेछन्।

टाटा ईभी अटो कार्निभलमा सहभागी हुने ग्राहकहरूले एक वर्षको अटोप्लस बीमा, वार्षिक सवारी कर, निःशुल्क एसेसरिज, वारंटी अवधिभर निःशुल्क चार्जिङ सेवा, होम चार्जिङ बक्स जडान तथा इम्बोस्ड नम्बर प्लेट जस्ता आकर्षक सुविधाहरू निःशुल्क प्राप्त गर्नेछन्।

कार्यक्रममा सहभागी भएर ग्राहकहरूले देशभर रहेका टाटा मोटर्सका शोरुमहरूमा गएर नयाँ डिजाइनका विद्युतीय गाडीहरूको प्रत्यक्ष अवलोकन, टेस्ट ड्राइभ, बुकिङ र गाडी मूल्याङ्कनमा सहभागी हुन सक्नेछन्। साथै, आकर्षक उपहारहरू पाउने अवसर पनि हुनेछ।

यस विशेष अफरको बम्पर पुरस्कारको रूपमा एक भाग्यशाली विजेताले माल्दिभ्सको कपल ट्रिप जित्ने अवसर पाउनेछन्। टाटा ईभी अटो कार्निभल ८ देखि १० अगस्ट (साउन २३ देखि २५ गते) सम्म मात्र चल्ने भएकाले इच्छुक ग्राहकहरूले आफ्नो नजिकको टाटा शोरुममा समयमै सम्पर्क गर्न सिप्रदी ट्रेडिङले अनुरोध गरेको छ।