काठमाडौं । मधेश प्रदेश कार्यक्षेत्रमा सेवा दिने मिथिला लघुवित्त वित्तीय संस्था लिमिटेडले शाखा विस्तारका लागि नयाँ कर्मचारी आवश्यक परेको जनाएको छ।

संस्थाले सहायक (चौथो तह) र कनिष्ठ सहायक (तेस्रो तह) पदमा कर्मचारी भर्ना गर्ने जनाएको छ। कनिष्ठ सहायक पदमा २० जना कर्मचारीको आवश्यकता रहेको छ।

सहायक पदका लागि उम्मेदवारले एसएलसी/एसईई वा सो सरह परीक्षा उत्तीर्ण गरेको हुनु पर्छ र लघुवित्त क्षेत्रमा कम्तीमा एक वर्षको अनुभव भएको हुनुपर्नेछ। कम्प्युटर ज्ञान भएको र मोटरसाइकल वा स्कूटर चलाउन सक्ने, वैध सवारी चालक अनुमतिपत्र भएका उम्मेदवारलाई प्राथमिकता दिइने छ।

कनिष्ठ सहायक पदका लागि पनि एसएलसी/एसईई वा सो सरह परीक्षा उत्तीर्ण हुनु पर्नेछ। मोटरसाइकल वा स्कूटर चलाउन सक्ने र वैध सवारी चालक अनुमतिपत्र भएका उम्मेदवारलाई प्राथमिकता दिइनेछ।

उमेर हद १८–३५ वर्ष तोकिएको छ, महिला उम्मेदवारका लागि ५ वर्षको अतिरिक्त उमेर हद राखिएको छ।

भर्ना प्रक्रियामा लिखित परीक्षा, फिल्ड अवधारणा, कम्प्युटर प्रयोगात्मक परीक्षा र अन्तर्वार्ता हुने छ। इच्छुक उम्मेदवारले आफ्नो बायोडाटा, नागरिकताको प्रतिलिपि, शैक्षिक योग्यता तथा अनुभव प्रमाणपत्र र पासपोर्ट साइज फोटो सहित १५ दिनभित्र आवेदन दिन सक्नेछन्।