१७ असार, बिराटनगर – बिराटनगर महानगरपालिकाको मतगणना स्थलभित्र मोवाइल लान र पानी र खैनी र चुरोट खान निषेध गरिएको छ । मतको भरपर्दो सुरक्षा गर्नकालागि मतगणना भैरहेका कोठाभित्र मोवाइल लान अनि पानी र खैनी खान निषेध गरिएको हो ।

 

मतगणना गर्ने प्रतिनिधि र कर्मचारीहरु कसैले पनि मतगणना भैरहेको कोठाभित्र पानी र खैनी खान पाउँदैनन । पानी र खैनी खानुपरे बाहिर निस्केर प्र्रागंणमा आउनुपर्ने छ । मोवाइल भने मतगणना स्थलभित्रै लान निषेध गरिएको छ । प्रहरीले मुलगेटमै चेकजाँच मोवाइल लिएर आउनेलाई रोक्ने गरेको छ ।

 

मतगणना केन्द्रभित्र पानीको बोलत वा जार गणना भैरहेको कोठामा लान दिएमा पानी हालेर मतपत्र भिजाएर धाँधली गर्ने जोखिम हुने भयले गणना कोठाभित्र पानी पुर्ण निषेध गरिएको हो । यसैगरि खैनी माडेर खानेहरुले खैनीको चुना झार्दा गणनामा प्रभाव पार्ने भएकोले खैनी खान पनि निषेध गरिएको हो ।

 

मगतणना केन्द्रभित्र चुरोट लान र खान पनि शख्त मनाई छ । चुरोट खाने बहानामा मतपत्रमा आगो लगाउने भयले सुरक्षाकर्मीले गेटमै चुरोट , सलाई र लाइटर चेकजाँच गरेर नियन्त्रणमा लिने गरेका छन ।

 

बिराटनगरमा शहिद मैदान स्थित आर्दश माबिमा मत गणना भैरहेको छ । यहाँ सात स्थानमा मत गणना भैरहेको छ ।