काठमाडौं । नेपाल एसबिआई बैंकले आफ्नो शाखा विस्तारको क्रममा देशभर सात नयाँ शाखाहरू सञ्चालनमा ल्याएको छ। यस शाखा विस्तारको उद्देश्य ग्राहकहरूलाई सहज र सुलभ बैंकिङ सेवा प्रदान गर्नुका साथै स्थानीय अर्थतन्त्रमा योगदान पुर्याउनु हो।

यस उद्घाटन समारोहको नेतृत्व बैंकका अध्यक्ष श्री जयती बन्सलले काठमाडौंको कर्पोरेट कार्यालयबाट भर्चुअल माध्यममार्फत गर्नुभएको थियो। तनहुँको दुलेगौंडा शाखाको उद्घाटन भने भौतिक रूपमा गरिएको हो। अन्य शाखाहरू दाङको लमही, कपिलवस्तुको जितपुर, पाल्पाको रामपुर बजार, जनकपुरको पिडारीचोक, उदयपुरको बेल्टार, र सुनसरीको दुहबीमा सञ्चालनमा आएका छन्।

कार्यक्रममा बैंकका प्रबन्ध निर्देशक तथा प्रमुख कार्यकारी अधिकृत श्री दीपक कुमार दे, स्टेट बैंक अफ इन्डियाका महाप्रबन्धक श्री रितेश सिन्हा, संचालक श्री पिनाकी नाथ बनर्जी, र अन्य वरिष्ठ पदाधिकारीहरूको उपस्थिति रहेको थियो।

नेपाल एसबिआई बैंकले हाल देशभर १२१ शाखा, ३२ एक्स्टेन्सन काउन्टर, ७५ शाखारहित बैंकिङ सेवा इकाईहरू, ४ प्रादेशिक कार्यालय, र २ कर्पोरेट कार्यालय मार्फत आफ्ना ग्राहकहरूलाई सेवा प्रदान गरिरहेको छ।

नयाँ शाखाहरूले स्थानीय ग्राहकहरूलाई थप सहजता प्रदान गर्नुका साथै वित्तीय समावेशीकरणलाई प्रवर्द्धन गर्ने अपेक्षा गरिएको छ।