काठमाडौं । केही सञ्चार माध्यममा नेकपा (एमाले) का अध्यक्ष एवं पूर्वप्रधानमन्त्री के.पी. शर्मा ओली हिमालय एयरलाइन्समार्फत दुबई उडान गर्दैछन् भन्ने समाचार प्रकाशित भएपछि हिमालय एयरलाइन्सले त्यसलाई असत्य र भ्रामक भएको स्पष्ट पारेको छ।

एयरलाइन्सले हिजो जारी गरेको प्रेस विज्ञप्तिपछि पनि त्यस्ता समाचारहरू आएका कारण आज पुनः विज्ञप्ति जारी गर्दै स्पष्ट पारिएको हो। एयरलाइन्सले भनिएको छ, “श्री के.पी. शर्मा ओलीज्यू दुबई उडान गर्दै हुनुहुन्छ भन्ने समाचार पूर्ण रूपमा गलत र भ्रामक हो।”

यस्तै, अपुष्ट र असत्य समाचारमा विश्वास नगर्न तथा नफैलाउन सबैलाई अनुरोध पनि गरिएको छ।